വാഹനമിടപാട് കേസിലെ പ്രതിയെ അറസ്റ്റ് ചെയ്യാനെത്തി; നാട്ടുകാരും പൊലീസും തമ്മിൽ സംഘർഷം, പ്രതി രക്ഷ​പ്പെട്ടു

പ​ന്തീ​രാ​ങ്കാ​വ്: വാ​ഹ​ന​മി​ട​പാ​ട് കേ​സി​ലെ പ്ര​തി​യെ അ​റ​സ്റ്റ് ചെ​യ്യാ​​നെ​ത്തി​യ പൊ​ലീ​സി​നെ ത​ട​ഞ്ഞ​ത് സം​ഘ​ർ​ഷ​ത്തി​നി​ട​യാ​ക്കി. സം​ഘ​ർ​ഷ​ത്തി​നി​ടെ പ്ര​തി ക​ട​ന്നു​ക​ള​ഞ്ഞു. പ​ന്തീ​രാ​ങ്കാ​വ് പൂ​ളേ​ങ്ക​ര​യി​ലാ​ണ് വ്യാ​ഴാ​ഴ്ച രാ​ത്രി പൊ​ലീ​സും നാ​ട്ടു​കാ​രും ത​മ്മി​ൽ സം​ഘ​ർ​ഷം ഉ​ണ്ടാ​യ​ത്.

പൂ​ളേ​ങ്ക​ര സ്വ​ദേ​ശി​യാ​യ ശി​ഹാ​ബ് സ​ഹീ​റി​നെ അ​റ​സ്റ്റ് ചെ​യ്യാ​നെ​ത്തി​യ എ​റ​ണാ​കു​ളം ചേ​ർ​പ്പ് പൊ​ലീ​സി​നെ നാ​ട്ടു​കാ​ർ ത​ട​ഞ്ഞ​താ​ണ് സം​ഘ​ർ​ഷ​ത്തി​ന്റെ തു​ട​ക്കം. ര​ണ്ട് വാ​ഹ​ന​ങ്ങ​ളി​ലാ​യി എ​ത്തി​യ സം​ഘ​ത്തി​ൽ മ​ഫ്തി​യി​ലു​ള്ള പൊ​ലീ​സി​നെ കൂ​ടാ​തെ പ​രാ​തി​ക്കാ​രും ഉ​ണ്ടാ​യി​രു​ന്നു. നാ​ട്ടു​കാ​രു​ടെ ചോ​ദ്യ​ങ്ങ​ൾ​ക്ക് വ്യ​ക്ത​മാ​യി മ​റു​പ​ടി ന​ൽ​കാ​തെ കാ​റി​ലെ​ത്തി​യ സം​ഘം യു​വാ​വി​നെ ബ​ല​മാ​യി കൊ​ണ്ടു​പോ​വാ​ൻ ശ്ര​മി​ച്ച​താ​ണ് നാ​ട്ടു​കാ​രെ പ്ര​കോ​പി​ത​രാ​ക്കി​യ​ത്. പ​ന്തീ​രാ​ങ്കാ​വ് പൊ​ലീ​സ് ലാ​ത്തി​ചാ​ർ​ജ് ന​ട​ത്തി​യാ​ണ് ആ​ളു​ക​ളെ പി​രി​ച്ചു​വി​ട്ട​ത്.

ഇ​തി​നി​ട​യി​ൽ ​പ്ര​തി ശി​ഹാ​ബ് ക​ട​ന്നു​ക​ള​യു​ക​യാ​യി​രു​ന്നു. ലാ​ത്തി​ചാ​ർ​ജി​ൽ പ​രി​ക്കേ​റ്റ മൂ​ന്ന് പേ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഘ​ർ​ഷ​ത്തി​നി​ടെ എ​റ​ണാ​കു​ള​ത്ത് നി​ന്നെ​ത്തി​യ പൊ​ലീ​സ് സം​ഘ​ത്തി​നും പ​രി​ക്കേ​റ്റു. ഇ​വ​ർ സ​ഞ്ച​രി​ച്ച വാ​ഹ​ന​ത്തി​ന്റെ ചി​ല്ലു​ക​ൾ ത​ക​ർ​ക്ക​പ്പെ​ട്ടി​ട്ടു​ണ്ട്.

അ​റ​സ്റ്റ് ചെ​യ്യാ​നെ​ത്തി​യ പൊ​ലീ​സ് സം​ഘ​ത്തി​നൊ​പ്പ​മു​ള്ള വാ​ഹ​ന​ത്തി​ൽ മാ​ര​കാ​യു​ധ​ങ്ങ​ളു​ണ്ടാ​യി​രു​ന്ന​താ​യി നാ​ട്ടു​കാ​ർ ആ​രോ​പി​ച്ചു.