പൊലീസ് തന്ത്രം വിജയിച്ചു; വർഷങ്ങൾ നീണ്ട വഴിത്തർക്കത്തിന് പരിഹാരം

നാ​ദാ​പു​രം: വ​ർ​ഷ​ങ്ങ​ൾ നീ​ണ്ട വ​ഴി​ത്ത​ർ​ക്ക​ത്തി​ന് പ​രി​ഹാ​ര​മാ​യി. വീ​തി കൂ​ട്ടി റോ​ഡ് നി​ർ​മി​ക്കും. പൊ​ലീ​സി​ന്റെ ഭാ​ഗ​ത്തു നി​ന്നു​ള്ള ശ​ക്ത​മാ​യ ഇ​ട​പെ​ട​ലി​ലൂ​ടെ​യാ​ണ് എ​ട​ച്ചേ​രി​യി​ൽ വ​ർ​ഷ​ങ്ങ​ളാ​യി തു​ട​രു​ന്ന വ​ഴി​ത്ത​ർ​ക്ക​ത്തി​ന് പ​രി​ഹാ​ര​മാ​യ​ത്. അ​യ​ൽ​വാ​സി​ക​ളാ​യ ര​ണ്ടു കു​ടും​ബാം​ഗ​ങ്ങ​ൾ ത​മ്മി​ൽ വ​ർ​ഷ​ങ്ങ​ളാ​യി തു​ട​രു​ന്ന വ​ഴി​ത്ത​ർ​ക്കം പ​രി​ഹ​രി​ച്ച​തി​ലു​ള്ള ആ​ശ്വാ​സ​ത്തി​ലാ​ണ് നാ​ട്ടു​കാ​ർ.

വ​ഴി പ്ര​ശ്നം കാ​ര​ണം ഇ​രു കു​ടും​ബാം​ഗ​ങ്ങ​ൾ ത​മ്മി​ൽ രൂ​ക്ഷ​മാ​യ വാ​ക്കേ​റ്റ​വും അ​ടി​പി​ടി​യും ന​ട​ന്നി​രു​ന്നു. വി​വി​ധ രാ​ഷ്ട്രീ​യ പാ​ർ​ട്ടി​ക​ളും മ​ത​സം​ഘ​ട​ന​ക​ളും മ​ഹ​ല്ല് ക​മ്മി​റ്റി​യും ഇ​ട​പെ​ട്ടി​ട്ടും ത​ർ​ക്കം പ​രി​ഹ​രി​ക്കാ​തെ നീ​ണ്ടു​പോ​യി. ഇ​തി​നി​ട​യി​ലാ​ണ് ഒ​രു കു​ടും​ബം സി.​പി.​എം സ​ഹാ​യം തേ​ടി​യ​ത്. ഇ​തി​ന്റെ മ​റ​വി​ൽ ഒ​രു സം​ഘ​മാ​ളു​ക​ൾ ചേ​ർ​ന്ന് ക​ഴി​ഞ്ഞാ​ഴ്ച ര​ണ്ടാം ക​ക്ഷി​യു​ടെ മ​തി​ൽ അ​തി​ക്ര​മി​ച്ചു ക​യ​റി പൊ​ളി​ച്ചു​മാ​റ്റി. പ്ര​ശ്ന​ത്തി​ന്റെ പേ​രി​ൽ എ​ട​ച്ചേ​രി​യി​ൽ ചേ​രി​തി​രി​ഞ്ഞ് സി.​പി.​എം-​എ​സ്.​ഡി.​പി.​ഐ പ്ര​വ​ർ​ത്ത​ക​ർ പോ​ർ​വി​ളി​യും പ്ര​ക​ട​ന​വും ന​ട​ത്തി​യി​രു​ന്നു. ഇ​തോ​ടെ വി​വാ​ദം കൂ​ടു​ത​ൽ മൂ​ർ​ച്ഛി​ക്കു​ക​യും പ്ര​ശ്നം പൊ​ലീ​സ് ഏ​റ്റെ​ടു​ക്കു​ക​യു​മാ​യി​രു​ന്നു.

റൂ​റ​ൽ എ​സ്.​പി ക​റു​പ്പ​സ്വാ​മി​യു​ടെ നി​ർ​ദേ​ശ​പ്ര​കാ​രം ഡി​വൈ.​എ​സ്.​പി ഹ​രീ​ന്ദ്ര​നാ​ഥ്, എ​ട​ച്ചേ​രി സി.​ഐ ജോ​ഷി ജോ​സ്, എ​സ്.​ഐ അ​ഫീ​ൽ എ​ന്നി​വ​രു​ടെ നേ​തൃ​ത്വ​ത്തി​ൽ ഇ​രു​ക​ക്ഷി​ക​ളെ​യും രാ​ഷ്ട്രീ​യ പാ​ർ​ട്ടി​ക​ളെ​യും ഉ​ൾ​പ്പെ​ടു​ത്തി ന​ട​ത്തി​യ മ​ധ്യ​സ്ഥ ശ്ര​മ​ത്തി​ലാ​ണ് പ്ര​ശ്നം പ​രി​ഹ​രി​ക്ക​പ്പെ​ട്ട​ത്. മ​ധ്യ​സ്ഥ തീ​രു​മാ​ന​പ്ര​കാ​രം ഇ​രു​ഭാ​ഗ​ത്തു​മു​ള്ള വീ​ട്ടു​കാ​രു​ടെ സ്ഥ​ല​ത്ത് നി​ന്നും 20 സെ.​മീ വീ​തം റോ​ഡി​നാ​യി വി​ട്ടു​കൊ​ടു​ക്കും. വ​ഴി​ത്ത​ർ​ക്ക​ത്തി​ന്റെ പേ​രി​ൽ ത​ക​ർ​ക്ക​പ്പെ​ട്ട മ​തി​ൽ യ​ഥാ​വി​ധി പു​നഃ​സ്ഥാ​പി​ച്ചു കൊ​ടു​ക്കു​ക​യും ചെ​യ്യും. ഈ ​വ​ഴി​യി​ലൂ​ടെ ത​ന്നെ തൊ​ട്ട​ടു​ത്ത ക്ഷേ​ത്രം വ​രെ പു​തി​യ മ​റ്റൊ​രു റോ​ഡ് നി​ർ​മി​ക്കാ​നും തീ​രു​മാ​ന​മാ​യി​ട്ടു​ണ്ട്. പു​തി​യ റോ​ഡി​ന്റെ നി​ർ​മാ​ണ പ്ര​വൃ​ത്തി എ​ട​ച്ചേ​രി സി.​ഐ ജോ​ഷി ജോ​സി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് മേ​ൽ​നോ​ട്ട​ത്തി​ൽ ആ​രം​ഭി​ച്ചു.