വി.എസിനെ ഒരു നോക്കു കാണാൻ ചന്ദ്രൻ തിരുവനന്തപുരത്തെത്തി

ബാ​ലു​ശ്ശേ​രി: ആ​രോ​ഗ്യ സ്ഥി​തി വ​ക വെ​ക്കാ​തെ 75 പി​ന്നി​ട്ട ച​ന്ദ്ര​നും വി.​എ​സി​നെ അ​വ​സാ​ന​മാ​യി ഒ​രു നോ​ക്കു​കാ​ണാ​ൻ ബാ​ലു​ശ്ശേ​രി​യി​ൽ നി​ന്നും തി​രു​വ​ന​ന്ത​പു​ര​ത്തെ​ത്തി. തി​ങ്ക​ളാ​ഴ്ച വൈ​കീ​ട്ട് തൊ​ഴി​ലു​റ​പ്പ് പ​ണി ക​ഴി​ഞ്ഞ് കോ​ക്ക​ല്ലൂ​രി​ൽ എ​ത്തി​യ​പ്പോ​ഴാ​ണ് വി.​എ​സി​ന്റെ മ​ര​ണ വി​വ​ര​മ​റി​ഞ്ഞ​ത്. പി​ന്നെ ഒ​ന്നും നോ​ക്കി​യി​ല്ല.

വീ​ട്ടു​കാ​രോ​ടും പോ​ലും പ​റ​യാ​തെ കൈ​യി​ലു​ള്ള കാ​വി മു​ണ്ടും സ​ഞ്ചി​യും തൂ​ക്കി നേ​രെ കൊ​യി​ലാ​ണ്ടി റെ​യി​ൽ​വേ സ്റ്റേ​ഷ​നി​ലേ​ക്ക്. ടി​ക്ക​റ്റെ​ടു​ത്തു തി​ക്കും തി​ര​ക്കും പി​ടി​ച്ച മൂ​ന്നാം ക്ലാ​സ് ക​മ്പാ​ട്ട്മെ​ന്റി​ൽ ക​യ​റി പു​ല​ർ​ച്ച​യോ​ടെ തി​രു​വ​ന​ന്ത​പു​ര​ത്ത്. റെ​യി​ൽ​വേ സ്റ്റേ​ഷ​നി​ലെ പ്രാ​ഥ​മി​ക കൃ​ത്യ​ങ്ങ​ൾ​ക്കു ശേ​ഷം സെ​ക്ര​​േട്ട​റി​യറ്റ് ദർ​ബാ​ർ ഹാ​ൾ ല​ക്ഷ്യം വെ​ച്ചൊ​രു ന​ട​ത്തം. അ​വി​ടത്തെ നീ​ണ്ട നി​ര​യി​ൽ ക്യൂ ​നി​ന്നാ​ണ് പ്രി​യ​പ്പെ​ട്ട സ​ഖാ​വി​നെ അ​വ​സാ​ന​മാ​യി ഒ​രു നോ​ക്കു ക​ണ്ട​ത്.

ബാ​ലു​ശ്ശേ​രി കോ​ക്ക​ല്ലൂ​ർ ത​ത്ത​മ്പ​ത്ത് തു​ളി​ശ്ശേ​രി കു​നി​യി​ൽ ച​ന്ദ്ര​ന് വി.​എ​സി​നോ​ടു​ള്ള ആ​രാ​ധ​ന​ക്ക് ആ​റു​പ​തി​റ്റാ​ണ്ടി​ന്റെ പ​ഴ​ക്ക​മു​ണ്ട്. നെ​യ്യാ​റ്റി​ൻ​ക​ര സ്വ​ദേ​ശി​യായ ച​ന്ദ്ര​ന് 14 വ​യ​സ്സു​ള്ള​പ്പോ​ൾ നെ​യ്യാ​റ്റി​ൻ​ക​ര​യി​ലെ പാ​ർ​ട്ടി ഓ​ഫി​സി​ൽ എ​ത്തു​ന്ന​വ​ർ​ക്ക് ആ​വ​ശ്യ​മാ​യ സ​ഹാ​യ​ങ്ങ​ൾ എ​ത്തി​ച്ചു കൊ​ടു​ക്ക​ലാ​യി​രു​ന്നു ജോ​ലി. ഇ​ക്കാ​ല​ത്ത് ഓ​ഫി​സി​ൽ വ​ന്നു പോ​യി​രു​ന്ന വി.​എ​സ് അ​ട​ക്ക​മു​ള്ള നേ​താ​ക്ക​ന്മാ​രെ​യും ന​ല്ല പ​രി​ച​യ​മാ​യി​രു​ന്നു. കു​ട്ടി​യാ​യ ത​ന്നോ​ട് വി.​എ​സ് സ്നേ​ഹം പ്ര​ക​ടി​പ്പി​ച്ചിക്കുകയും പ​ണം ത​ന്ന് സ​ഹാ​യി​ക്കു​ക​യും ചെ​യ്തി​ട്ടു​ണ്ടെ​ന്ന് ച​ന്ദ്ര​ൻ പ​റ​യു​ന്നു.

നെ​യ്യാ​റ്റി​ൻ​ക​ര​യി​ൽ നി​ന്നും ചെ​റു​പ്പ​ത്തി​ൽ നാ​ട് വി​ട്ട് പാ​ല​ക്കാ​ട്ടെ​ത്തു​ക​യും അ​വി​ടെ ഡാ​മി​ന്റെ പ​ണി​യു​മാ​യി ബന്ധപ്പെട്ട് സ്ഥി​ര താ​മ​സ​മാ​ക്കി​, യ​ശോ​ധ​യെ വി​വാ​ഹം ക​ഴി​ച്ച് കു​ടും​ബ ജീ​വി​തം തു​ട​ങ്ങു​ക​യാ​യി​രു​ന്നു. കു​ടും​ബ​ത്തോ​ടൊ​പ്പം 23 വ​ർ​ഷം മു​മ്പ് പേ​രാ​മ്പ്ര പൈ​തോ​ത്ത് എ​ത്തി​യ ച​ന്ദ്ര​ൻ ഇ​വി​ടെ ക്വാ​റി തൊ​ഴി​ലാ​ളി​യാ​യി​രു​ന്നു.

പേ​രാ​മ്പ്ര​യി​ൽ വീ​ടും സ്ഥ​ല​വും വാ​ങ്ങി താ​മ​സി​ച്ചു വ​ര​വേ മ​ക​ളു​ടെ വി​വാ​ഹം ക​ഴി​ഞ്ഞ​തോ​ടെ സ്ഥ​ലം വി​റ്റ് ബാ​ലു​ശ്ശേ​രി കോ​ക്ക​ല്ലൂ​രി​ക്ക് താ​മ​സം മാ​റി. 22 വ​ർ​ഷ​ക്കാ​ല​മാ​യി കോ​ക്ക​ല്ലൂ​രി​ലാ​ണ് താ​മ​സം. സി.​പി.​എം പാ​ർ​ട്ടി​യു​ടെ സ​ജീ​വ പ്ര​വ​ർ​ത്ത​ക​നാ​ണ്. ഹൃ​ദ​യ സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്നു ബൈ​പാ​സ് സ​ർ​ജ​റി ന​ട​ത്തി​യ ച​ന്ദ്ര​ൻ ഇ​പ്പോ​ഴും തൊ​ഴി​ലു​റ​പ്പ് പ​ണി​ക്ക് പോ​കു​ന്നു​ണ്ട്. മ​ക്ക​ളാ​യ സ​ജീ​ഷും സ​ജി​ത​യും സി.​പി.​എം ബ്രാ​ഞ്ച് ക​മ്മി​റ്റി അം​ഗ​ങ്ങ​ളാണ്.