നന്മണ്ട പഞ്ചായത്ത് ഒന്നാം വാർഷികം

നന്മണ്ട: പഞ്ചായത്തിന്റെ ഒന്നാം വാർഷികം മന്ത്രി എ.കെ. ശശീന്ദ്രൻ ഉദ്ഘാടനം ചെയ്തു. വിവിധ രോഗങ്ങളാൽ പ്രയാസമനുഭവിക്കുന്നവർക്കുള്ള പഞ്ചായത്തിന്റെ ദുരിതാശ്വാസനിധിയിൽനിന്നുള്ള സഹായവിതരണവും കോവിഡ് പ്രതിരോധപ്രവർത്തനം നടത്തിയ ആരോഗ്യ പ്രവർത്തകരെ ആദരിക്കൽ ചടങ്ങും മന്ത്രി നിർവഹിച്ചു. പഞ്ചായത്ത് പ്രസിഡന്റ് കൃഷ്ണവേണി മാണിക്കോത്ത് അധ്യക്ഷത വഹിച്ചു. വികസനകാര്യ ചെയർപേഴ്സൻ പ്രതിഭ രവീന്ദ്രൻ, ക്ഷേമകാര്യ ചെയർമാൻ കുണ്ടൂർ ബിജു, ആരോഗ്യ വിദ്യാഭ്യാസ ചെയർപേഴ്സൻ വിജിത കണ്ടിക്കുന്നുമ്മൽ, പഞ്ചായത്തംഗം വി.കെ. നിത്യകല, സെക്രട്ടറി പി. ജയരാജൻ, സി.ഡി.എസ് പ്രസിഡൻറ് സാവിത്രി, വിവിധ രാഷ്ട്രീയ കക്ഷി പ്രതിനിധികൾ എന്നിവർ സംസാരിച്ചു. വൈസ് പ്രസിഡന്റ് സി.കെ. രാജൻ മാസ്റ്റർ സ്വാഗതവും അസി. സെക്രട്ടറി എം. ഷെരീഫ നന്ദിയും പറഞ്ഞു. പടം :ഗ്രാമപഞ്ചായത്ത് ഒന്നാം വാർഷികം വനം-വന്യജീവി വകുപ്പ് മന്ത്രി എ.കെ. ശശീന്ദ്രൻ ഉദ്ഘാടനം ചെയ്യുന്നു