ഓമശ്ശേരി: വെളിമണ്ണ ജി.എം.യു.പി സ്കൂളിൽ നടന്നുവരുന്ന ജൈവ പച്ചക്കറി കൃഷിക്ക് കൃഷി വകുപ്പിനു കീഴിലെ ജില്ലതല പച്ചക്കറി വികസന പ്രോഗ്രാമിന്റെ 2020-21 വർഷത്തെ അവാർഡ് ലഭിച്ചു. കോഴിക്കോട് ജില്ലയിലെ മികച്ച സ്കൂൾ ഗാർഡൻ വിഭാഗത്തിൽ രണ്ടാം സ്ഥാനവും മികച്ച പ്രധാനാധ്യാപകൻ വിഭാഗത്തിൽ മൂന്നാം സ്ഥാനവുമാണ് സ്കൂളിനു ലഭിച്ചത്. വിദ്യാർഥികളിൽ കാർഷിക സംസ്കാരവും വിഷരഹിത ഭക്ഷണശീലവും വളർത്തുന്നതിന്റെ ഭാഗമായി ഓമശ്ശേരി കൃഷി ഓഫിസിന്റെ പിന്തുണയോടെ വർഷങ്ങളായി സ്കൂൾ മട്ടുപ്പാവിൽ ഗ്രോബാഗ് ജൈവ പച്ചക്കറികൃഷി നടക്കുന്നുണ്ട്. ലോക്ഡൗൺ കാലമായതിനാൽ വിദ്യാർഥികളുടെ സഹകരണമില്ലാതെയാണ് കൃഷി ഒരുക്കിയത്. സ്ലറിയും ചാണകവുമാണ് വളമായി ഉപയോഗിച്ചുവരുന്നത്. ചീര, മഞ്ഞൾ, വഴുതിന, പയർ, ചേന എന്നീ ഇനങ്ങളാണ് കഴിഞ്ഞ വർഷം പ്രധാനാധ്യാപകൻ എൻ. അഹമ്മദ് കുട്ടിയുടെ നേതൃത്വത്തിൽ അധ്യാപകരും ജീവനക്കാരും നട്ടുപരിപാലിച്ചത്. ഇത്തവണ തുടങ്ങിയ വെണ്ടകൃഷിയും പച്ചപിടിച്ചിട്ടുണ്ട്. നിത്യേന ലഭിക്കുന്ന വിളകൾ ഉച്ചഭക്ഷണത്തിന് ഉപയോഗപ്പെടുത്താറാണ് പതിവ്. ചിത്രം. വെളിമണ്ണ ജി.എം.യു.പി സ്കൂളിലെ പച്ചക്കറി കൃഷി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.