വീട്ടുമുറ്റത്ത് കളിച്ച കുട്ടികൾക്ക് തെരുവുനായുടെ കടിയേറ്റു

ഫറോക്ക്: വീട്ടുമുറ്റത്ത് കളിച്ചുകൊണ്ടിരുന്ന അയൽവാസികളായ രണ്ടു കുട്ടികൾക്ക് തെരുവുനായുടെ കടിയേറ്റു. പേട്ട അവിട്ടത്തിൽ മസ്ജിദുൽ ഹസൻ സ്രാമ്പ്യക്ക് സമീപം നൗഷാദിന്റെ മകൻ നാസിഹ് അമീൻ (അഞ്ച്), അയൽവാസി അമീറി​ന്റെ മകൻ ലബീബ് (10) എന്നിവർക്കാണ് കടിയേറ്റത്. ഞായറാഴ്ച വൈകീട്ട് അഞ്ച് മണിക്കാണ് സംഭവം. പരിക്കേറ്റ കുട്ടികളെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.