കെ റെയിൽ അലൈൻമൻെറ്: ഇരിങ്ങൽ-മൂരാട് നിവാസികൾ പ്രക്ഷോഭത്തിലേക്ക് പയ്യോളി: കെ റെയിൽ അലൈൻമൻെറിനെതിരെ ഇരിങ്ങൽ-മൂരാട് നിവാസികൾ പ്രക്ഷോഭത്തിലേക്ക് നീങ്ങുന്നു. മൂരാട് സർഗാലയ ക്രാഫ്റ്റ് വില്ലേജിന് സമീപമുള്ള വലിയ കടവത്ത് പ്രദേശത്ത് നൂറിലധികം കുടുംബങ്ങൾ താമസിക്കുന്ന സ്ഥലത്തെ കീറിമുറിച്ചു കൊണ്ടുള്ള നിർദിഷ്ട കെ റെയിൽ അലൈൻമൻെറ് മാറ്റണമെന്ന് മൂരാട് ചേർന്ന അലൈൻമൻെറ് വിരുദ്ധസമിതി യോഗം ആവശ്യപ്പെട്ടു. നിലവിലുള്ള റെയിൽപാതക്ക് സമാന്തരമായി ബി ക്ലാസ്, സി ക്ലാസ് സ്ഥലങ്ങൾ നിലവിലിരിക്കെ ഈ പ്രദേശത്തെ ജനങ്ങളെ കുടിയൊഴിപ്പിക്കുന്ന തരത്തിലുള്ള അലൈൻമൻെറ് മാറ്റണമെന്ന് ആവശ്യപ്പെട്ടുകൊണ്ട് സമരപരിപാടികൾ ആരംഭിക്കാനും യോഗം തീരുമാനിച്ചു. കെ.കെ. കണ്ണൻ ചെയർമാനും നടുക്കുടി പത്മനാഭൻ വൈസ് ചെയർമാനും വി.കെ. ബിജു കൺവീനറും പ്രവീൺ നടുക്കുടി, പി.കെ. സനൽ എന്നിവർ ജോ. കൺവീനർമാരും കെ. രാജൻ ട്രഷററായും കെ റെയിൽ വിരുദ്ധ സമരസമിതി രൂപവത്കരിച്ചു. നേരത്തെ കെ റെയിലിൻെറ അലൈൻമൻെറ് ജനവാസ മേഖലയായ നന്തി, പള്ളിക്കര പ്രദേശത്തുകൂടെയാണ് കടന്നുപോവേണ്ടിയിരുന്നത്. എന്നാൽ, നാട്ടുകാർ പ്രക്ഷോഭത്തിനിറങ്ങുകയും തുടർന്നുള്ള കടുത്ത ജനകീയ എതിർപ്പുകാരണം അലൈൻമൻെറ് മാറ്റാൻ സർക്കാർ നിർബന്ധിതമാവുകയുമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.