മുക്കം: മുക്കം ഗവ. ആശുപത്രി വളപ്പിൽനിന്ന് അനധികൃതമായി മരം മുറിച്ചുകടത്തിയതിൽ പ്രതിഷേധിച്ച് കൊള്ളചെയ്യപ്പെട്ട മരത്തിന്റെ കുറ്റിക്ക് റീത്ത് സമർപ്പിച്ച് നഗരസഭ കൗൺസിലർമാർ. നഗരസഭയോ കൗൺസിൽ അംഗങ്ങളോ അറിയാതെ വിലപിടിപ്പുള്ള കൂറ്റൻ ഔഷധവൃക്ഷം കടത്തിക്കൊണ്ടുപോയരെ പിടികൂടണമെന്നും ശിക്ഷിക്കണമെന്നും ആവശ്യപ്പെട്ട് യു.ഡി.എഫ്, വെൽഫെയർ പാർട്ടി കൗൺസിലർമാരുടെ നേതൃത്വത്തിലാണ് വ്യത്യസ്തമായ പ്രതിഷേധം അരങ്ങേറിയത്. കൗൺസിലർമാർ മുക്കം നഗരസഭ ഓഫിസിൽനിന്ന് ഉച്ചക്ക് പന്ത്രണ്ടോടെയാണ് സാമൂഹികാരോഗ്യ കേന്ദ്രത്തിലേക്ക് മാർച്ച് നടത്തിയത്. മുക്കം ബസ് സ്റ്റാൻഡ് പരിസരത്ത് ഡി.സി.സി സെക്രട്ടറി ബാബു പൈക്കാട്ട് മാർച്ച് ഉദ്ഘാടനം ചെയ്തു. പ്രതിഷേധ സംഗമത്തിൽ എം.ടി. അഷ്റഫ്, എ. അബ്ദുൽ ഗഫൂർ, എം.കെ. യാസർ, ഗഫൂർ കല്ലുരുട്ടി, ഫാത്തിമ കൊടപ്പന എന്നിവർ സംസാരിച്ചു. കൃഷ്ണൻ വടക്കയിൽ റീത്ത് സമർപ്പിച്ചു. കൗൺസിലർമാരായ മധു മാസ്റ്റർ, റംല ഗഫൂർ, സാറ കൂടാരം, സക്കീന കബീർ, രാജൻ എടോനി, ബിന്നി മനോജ്, വസന്തകുമാരി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.