വൈക്കം നേ​േരകടവ്​ ഭാഗത്ത്​ പോള നിറഞ്ഞു; ജലഗതാഗതത്തിന്​ തടസ്സം

വൈ​ക്കം: വേ​മ്പ​നാ​ട്ടു​കാ​യ​ലി​ൽ നേ​രേ​ക​ട​വ് ഭാ​ഗ​ത്ത് പോ​ള തി​ങ്ങി​യ​ത് ജ​ല​ഗ​താ​ഗ​ത​ത്തി​നും മ​ത്സ്യ​ബ​ന്ധ​ന​ത്തി​നും ത​ട​സ്സ​മാ​യി. കാ​യ​ലി​െൻറ വീ​തി കു​റ​ഞ്ഞ ഇ​വി​ടെ 10 മി​നി​റ്റി​ൽ താ​ഴെ സ​മ​യ​മെ​ടു​ത്താ​ണ് നേ​രേ​ക​ട​വ് -മാ​ക്കേ​ക്ക​ട​വ് ച​ങ്ങാ​ടം മ​റു​ക​ര​യി​ലെ​ത്തി​യി​രു​ന്ന​ത്. ഇ​പ്പോ​ൾ പോ​ള ക​ന​ത്ത​തോ​ടെ ഇ​ര​ട്ടി സ​മ​യ​മെ​ടു​ത്താ​ണ് ച​ങ്ങാ​ടം ജെ​ട്ടി​യി​ല​ടു​ക്കു​ന്ന​ത്. പോ​ള ബോ​ട്ടി​െൻറ പ്രൊ​പ്പ​ല്ല​റി​ൽ കു​ടു​ങ്ങി യ​ന്ത്ര​ത​ക​രാ​റും പ​തി​വാ​കു​ക​യാ​ണ്. ക​ക്ക വാ​ര​ൽ തൊ​ഴി​ലാ​ളി​ക​ൾ​ക്കും മ​ത്സ്യ​ബ​ന്ധ​ന​ത്തി​ന്​ പോ​കു​ന്ന തൊ​ഴി​ലാ​ളി​ക​ൾ​ക്കും ചെ​റു​വ​ള്ള​ങ്ങ​ൾ തു​ഴ​ഞ്ഞു​പോ​കാ​നാ​വാ​ത്ത സ്ഥി​തി​യാ​ണ്.

മ​ത്സ്യ​ത്തൊ​ഴി​ലാ​ളി​ക​ളു​ടെ വ​ല​ക​ളി​ൽ പോ​ള​കു​ടു​ങ്ങി വ​ല ന​ശി​ക്കു​ന്ന​ത്​ തൊ​ഴി​ലാ​ളി​ക​ൾ​ക്ക് വ​ലി​യ സാ​മ്പ​ത്തി​ക ബാ​ധ്യ​ത​യാ​ണു​ണ്ടാ​ക്കു​ന്ന​ത്. കു​ട്ട​നാ​ട​ൻ, അ​പ്പ​ർ​കു​ട്ട​നാ​ട​ൻ മേ​ഖ​ല​ക​ളി​ലെ പാ​ട​ശേ​ഖ​ര​ങ്ങ​ളി​ൽ വ​ള​ർ​ന്നു​തി​ങ്ങു​ന്ന പോ​ള കൃ​ഷി​ക്കാ​യി നി​ല​മൊ​രു​ക്കാ​ൻ പു​റം​ത​ള്ളു​മ്പോ​ൾ കാ​യ​ലി​ലേ​ക്കു ഒ​ഴു​കി​യെ​ത്തു​ക​യാ​ണ്.

വ​ർ​ഷ​ങ്ങ​ളാ​യി തു​ട​രു​ന്ന ഈ ​പ്ര​ശ്ന​ത്തി​ന്​ പ​രി​ഹാ​രം കാ​ണാ​ൻ പോ​ള ജൈ​വ​വ​ള​വും മൂ​ല്യ​വ​ർ​ധി​ത ഉ​ൽ​പ​ന്ന​ങ്ങ​ളു​മാ​ക്കി മാ​റ്റു​ന്ന പ​ദ്ധ​തി​ക​ൾ തു​ട​ങ്ങാ​ൻ സ​ർ​ക്കാ​ർ ആ​ലോ​ചി​ച്ചെ​ങ്കി​ലും പ്രാ​വ​ർ​ത്തി​ക​മാ​യി​ല്ല. ജ​ലാ​ശ​യ​ങ്ങ​ളെ ആ​ശ്ര​യി​ച്ചു ഉ​പ​ജീ​വ​നം ന​ട​ത്തു​ന്ന ആ​യി​ര​ക്ക​ണ​ക്കി​ന്​ മ​ത്സ്യ, ക​ക്ക തൊ​ഴി​ലാ​ളി​ക​ളു​ടെ തൊ​ഴി​ൽ സം​ര​ക്ഷ​ണ​ത്തി​ന്​ പോ​ള നീ​ക്കേ​ണ്ട​ത് അ​നി​വാ​ര്യ​മാ​ണ്. വി​നോ​ദ​സ​ഞ്ചാ​രി​ക​ളു​മാ​യി കാ​യ​ൽ സ​വാ​രി​ക്കെ​ത്തു​ന്ന ഹൗ​സ് ബോ​ട്ടു​ക​ൾ​ക്കും ശി​ക്കാ​രി വ​ള്ള​ങ്ങ​ൾ​ക്കും പോ​ള ത​ട​സ്സ​മാ​കു​ന്നു​ണ്ട്.