കായലോര സൗന്ദര്യത്തിന്​ കല്ലുകടിയായി പോളയും കായൽ പുല്ലും

വൈ​ക്കം: കാ​യ​ൽ സൗ​ന്ദ​ര്യാ​സ്വാ​ദ​ന​ത്തി​ന്​ ക​ല്ലു​ക​ടി​യാ​യി തീ​ര​ങ്ങ​ളി​ൽ തി​ങ്ങി​വ​ള​ർ​ന്ന​​ പോ​ള​യും കാ​യ​ൽ പു​ല്ലും. സ്മാ​ര​ക ശി​ൽ​പ​ങ്ങ​ൾ​ക്ക് സ​മീ​പ​മാ​ണ്​ പോ​ള​യും പു​ല്ലും തി​ങ്ങി​വ​ള​രു​ന്ന​ത്.

കാ​യ​ലി​ൽ പോ​ള സ്വാ​ഭാ​വി​ക​മാ​ണ്. എ​ന്നാ​ൽ, പു​ല്ല്​ വ​ള​ർ​ന്ന്​ പ​ച്ച​പു​ത​ച്ച കാ​ഴ്ച​യാ​ണ്​ കാ​യ​ൽ​ത്തീ​ര​ത്ത്. വേ​മ്പ​നാ​ട്​ കാ​യ​ലി​ലെ പോ​ള​യെ തോ​ൽ​പി​ക്കാ​ൻ ഇ​തു​വ​രെ ആ​ർ​ക്കും ക​ഴി​ഞ്ഞി​ട്ടി​ല്ല. സ​ർ​ക്കാ​ർ പോ​ള നി​ർ​മാ​ർ​ജ​ന​ത്തി​ന്​ ആ​സൂ​ത്ര​ണം ചെ​യ്ത പ​ദ്ധ​തി​ക​ളെ​ല്ലാം ക​ട​ലാ​സി​ലൊ​തു​ങ്ങി. പോ​ള​ശ​ല്യം മ​ത്സ്യ​ത്തൊ​ഴി​ലാ​ളി​ക​ളെ​യും യാ​ത്രാ​ബോ​ട്ടു​ക​ളു​ടെ സ​ർ​വി​സി​നെ​യു​മാ​ണ്​ കൂ​ടു​ത​ൽ ബാ​ധി​ക്കു​ന്ന​ത്.Govt to eliminate polla

മ​ത്സ്യ​ബ​ന്ധ​ന​ത്തി​ന്​ പോ​കു​ന്ന ചെ​റു​വ​ള്ള​ങ്ങ​ൾ പോ​ള മു​റി​ച്ച്​ മു​ന്നോ​ട്ടു​പോ​കാ​ൻ പാ​ടു​പെ​ടു​ക​യാ​ണ്. മ​ത്സ്യ​വ​ല​ക​ളു​ടെ ക​ണ്ണി​ക​ൾ പൊ​ട്ടി​യാ​ൽ പി​ന്നെ ബു​ദ്ധി​മു​ട്ടു​ക​ൾ വേ​റെ. കാ​യ​ലി​ൽ മു​ങ്ങി പ​ണി​യെ​ടു​ക്കു​ന്ന ക​ക്ക​ത്തൊ​ഴി​ലാ​ളി​ക​ളും പ്ര​തി​സ​ന്ധി​യി​ലാ​ണ്. പോ​ള​പ്പു​ല്ലു​ക​ൾ കാ​യ​ലെ​മ്പാ​ടും വ്യാ​പി​ക്കു​മോ എ​ന്ന ആ​ശ​ങ്ക​യി​ലാ​ണ് വേ​മ്പ​നാ​ട്ടു​കാ​യ​ലി​ൽ ഉ​പ​ജീ​വ​നം തേ​ടു​ന്ന​വ​ർ.