കടുത്തുരുത്തി: നിർത്തിയിട്ടിരുന്ന കാറിനുള്ളിൽനിന്നും സ്വർണമാല മോഷ്ടിച്ച കേസിലെ പ്രതി അറസ്റ്റിൽ. കാണക്കാരി കുറുമുള്ളൂർ കരിങ്ങാലി കവല ഭാഗത്ത് താമസിക്കുന്ന കല്ലറ തീയറ്റർ ജങ്ഷൻ ഭാഗത്ത് മുണ്ടയ്ക്കപറമ്പിൽ വീട്ടിൽ ബിനോ മാത്യുവിനെയാണ് (തൊമ്മൻ -45) കടുത്തുരുത്തി പൊലീസ് അറസ്റ്റ് ചെയ്തത്.
കഴിഞ്ഞ മാസം 31ന് മാഞ്ഞൂർ സ്വദേശിയായ മധ്യവയസ്കന്റെ കാറിനുള്ളിൽനിന്ന് മൂന്ന് പവനോളം വരുന്ന സ്വർണമാല മോഷ്ടിക്കുകയായിരുന്നു.മധ്യവയസ്കൻ തച്ചേരിമുക്ക് ഭാഗത്ത് കാർ നിർത്തി പുറത്തിറങ്ങിയപ്പോൾ പ്രതി ഡോർ തുറന്ന് മാല മോഷ്ടിച്ച് കടന്നു കളയുകയുമായിരുന്നു. പരാതിയെ തുടർന്ന് കടുത്തുരുത്തി പൊലീസ് കേസ് രജിസ്റ്റർ ചെയ്യുകയും ശാസ്ത്രീയ പരിശോധനയിലൂടെ മോഷ്ടാവിനെ കണ്ടെത്തി പിടികൂടുകയുമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.