മീനച്ചിലാറ്റിൽ അനധികൃത മണൽവാരൽ രൂക്ഷം

ഈ​രാ​റ്റു​പേ​ട്ട: മീ​ന​ച്ചി​ലാ​റ്റി​ൽ അ​ന​ധി​കൃ​ത മ​ണ​ൽ​വാ​ര​ൽ രൂ​ക്ഷ​മെ​ന്ന്​ പ​രാ​തി. മീ​ന​ച്ചി​ലാ​റി​​ന്‍റെ ഇ​ള​പ്പു​ങ്ക​ൽ ച​ങ്ങാ​ട​ക്ക​ട​വ്, ര​ണ്ടാ​റ്റ് മു​ക്ക്, കാ​ര​യ്ക്കാ​ട് ഭാ​ഗ​ങ്ങ​ളി​ലാ​ണ് മ​ണ​ൽ​വാ​ര​ൽ രൂ​ക്ഷ​മാ​യി​രി​ക്കു​ന്ന​ത്. രാ​ത്രി ആ​രം​ഭി​ക്കു​ന്ന മ​ണ​ൽ​വാ​ര​ൽ പു​ല​ർ​ച്ചെ അ​ഞ്ചി​നാ​ണ്​ അ​വ​സാ​നി​ക്കു​ന്ന​ത്. ഈ ​സ​മ​യ​ത്ത് ഇ​വി​ട​ങ്ങ​ളി​ൽ​നി​ന്ന് നി​ര​വ​ധി ലോ​ഡു​ക​ൾ ക​യ​റി​പ്പോ​കും. കൂ​ടാ​തെ പ​ക​ൽ ലോ​റി​യി​ലേ​ക്ക് നേ​രി​ട്ട് മ​ണ​ൽ​വാ​രി ക​ട​ത്തു​ക​യും ചെ​യ്യു​ന്നു​ണ്ട്.

അ​ന​ധി​കൃ​ത മ​ണ​ൽ​വാ​ര​ൽ മൂ​ലം മീ​ന​ച്ചി​ലാ​റ്റി​ൽ വേ​ന​ൽ​ക്കാ​ല​ങ്ങ​ളി​ൽ ജ​ല​ദൗ​ർ​ല​ഭ്യം ഉ​ണ്ടാ​വു​ന്നു​ണ്ട്. ര​ണ്ട് പ്ര​ള​യ​ങ്ങ​ൾ​ക്ക് ശേ​ഷം വ്യാ​പ​ക​മാ​യ തോ​തി​ൽ മീ​ന​ച്ചി​ലാ​റ്റി​ൽ മ​ണ​ൽ അ​ടി​ഞ്ഞ​ത് മ​ണ​ൽ മാ​ഫി​യ​ക​ൾ​ക്ക് സൗ​ക​ര്യ​മാ​യി. മീ​ന​ച്ചി​ലാ​റ്റി​ൽ​നി​ന്നും ലോ​ഡ് ക​ണ​ക്കി​ന് മ​ണ​ലു​ക​ൾ ദി​വ​സ​വും ക​യ​റ്റി​പ്പോ​കു​ന്നു​ണ്ട്. മ​ണ​ലൂ​റ്റ് ശ​ക്ത​മാ​യ​തോ​ടെ വ​ലി​യ കു​ഴി​ക​ളും രൂ​പ​പ്പെ​ട്ടി​രി​ക്കു​ക​യാ​ണ്. ഒ​രു ലോ​ഡ് മ​ണ​ലി​ന് നി​ല​വി​ൽ 15,000 രൂ​പ​ക്ക്​ മു​ക​ളി​ലാ​ണ്​ വി​ല.

അ​തേ​സ​മ​യം, മ​ണ​ൽ മാ​ഫി​യ​ക​ൾ ത​മ്മി​ൽ മ​ണ​ൽ വാ​ര​ലി​ന്‍റെ പേ​രി​ൽ സം​ഘ​ർ​ഷ​വും പ​തി​വാ​യി​ട്ടു​ണ്ട്. വ്യാ​പ​ക​മാ​യ മ​ണ​ലൂ​റ്റ് ത​ട​യാ​ൻ ത​ല​പ്പ​ലം പ​ഞ്ചാ​യ​ത്ത് അ​ധി​കൃ​ത​രോ, റ​വ​ന്യൂ, പൊ​ലീ​സ് അ​ധി​കാ​രി​ക​ളോ ശ്ര​മി​ക്കു​ന്നി​ല്ലെ​ന്നും ഇ​തു​സം​ബ​ന്ധി​ച്ച് പൊ​ലീ​സി​നെ​യും റ​വ​ന്യൂ വി​ഭാ​ഗ​ത്തെ​യും വി​വ​ര​മ​റി​യി​ച്ചാ​ലും ന​ട​പ​ടി​ക​ൾ സ്വീ​ക​രി​ക്കു​ന്നി​ല്ല​ന്നും നാ​ട്ടു​കാ​ർ പ​റ​യു​ന്നു. മ​ണ​ൽ വാ​ര​ലി​നെ​തി​രെ നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​കു​മ്പോ​ൾ വ​ല്ല​പ്പോ​ഴും പ​രി​ശോ​ധ​ന ന​ട​ത്തി പോ​കു​മെ​ങ്കി​ലും ന​ട​പ​ടി എ​ടു​ക്കാ​ൻ പൊ​ലീ​സും ത​യാ​റാ​വു​ന്നി​ല്ല.