ബേബിച്ചൻ മുക്കാടൻ
കോട്ടയം: ചങ്ങനാശ്ശേരി സീറ്റ് കേരള കോൺഗ്രസ് ജോസഫ് വിഭാഗത്തിന് നല്‍കിയാൽ നിയമസഭാ തെരഞ്ഞെടുപ്പില്‍ കോണ്‍ഗ്രസ് സ്ഥാനാർഥിയായി മത്സരിക്കുമെന്ന് ഡി.സി.സി അംഗവും കൊടിക്കുന്നില്‍ സുരേഷ് എം.പി പ്രസിഡൻറായ ഓള്‍ ഇന്ത്യ റേഷന്‍ ഡീലേഴ്‌സ് കോണ്‍ഗ്രസ് ദേശീയ ജനറല്‍ സെക്രട്ടറിയുമായ ബേബിച്ചന്‍ മുക്കാടന്‍ വാർത്തസമ്മേളനത്തിൽ പറഞ്ഞു.
കോണ്‍ഗ്രസിന് ചങ്ങനാശ്ശേരി സീറ്റ് നൽകിയാല്‍ െറബലായി മത്സരിക്കുമെന്ന കേരള കോണ്‍ഗ്രസ് ജോസഫ് വിഭാഗം ഉന്നതാധികാര സമിതി അംഗം സാജന്‍ ഫ്രാന്‍സിസിെൻറ പ്രഖ്യാപനത്തിന് എതിരായാണ് താന്‍ മത്സരിക്കുന്നത്. ജോസഫ് വിഭാഗത്തിന് അര്‍ഹിക്കുന്നതിലധികം സീറ്റ് നല്‍കിയാല്‍ ജില്ല പഞ്ചായത്ത് ഫലം ആവര്‍ത്തിക്കും. കേരള കോണ്‍ഗ്രസ് രണ്ടായി പിളര്‍ന്നതിനാല്‍ പകുതി സീറ്റ് മാത്രമേ ജോസഫ് വിഭാഗത്തിന് നല്‍കാവൂ.
സ്വന്തം ജില്ലയില്‍ മത്സരിക്കാന്‍ വര്‍ഷങ്ങളായി ആഗ്രഹിക്കുന്ന ടോമി കല്ലാനി, ജോസഫ് വാഴക്കൻ, കെ.സി. ജോസഫ്, ഫിലിപ് ജോസഫ്, ജോസി സെബാസ്റ്റ്യന്‍ എന്നിവരുടെ അവസരം നിഷേധിക്കരുത്. കോണ്‍ഗ്രസിനുവേണ്ടി കഠിനാധ്വാനം ചെയ്യുന്ന ഐ.എന്‍.ടി.യു.സിയുടെയും പോഷകസംഘടനകളുെടയും നേതാക്കെള സ്ഥാനാർഥിപ്പട്ടികയില്‍നിന്ന് ഒഴിവാക്കുന്നതായും അദ്ദേഹം ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.