ബി​ഷ​പ് ഫ്രാ​ങ്കോ കേ​സ്: തെളിവുകൾ ഹാ​ജ​രാ​ക്കാ​ൻ ക​ഴി​യാ​തി​രു​ന്ന​ത് പ്രോസിക്യൂഷന്​ തിരിച്ചടിയായി​

കോ​ട്ട​യം: ബി​ഷ​പ് ഫ്രാ​ങ്കോ കേ​സി​ൽ പ്രോ​സി​ക്യൂ​ഷ​ന്​ തി​രി​ച്ച​ടി​യാ​യ​ത്​ ​സാ​ക്ഷി​മൊ​ഴി​ക​ൾ​ക്ക്​ അ​ടി​സ്ഥാ​ന​മാ​യ രേ​ഖ​ക​ളും തെ​ളി​വു​ക​ളും ഹാ​ജ​രാ​ക്കാ​ൻ ക​ഴി​യാ​തി​രു​ന്ന​ത്. സാ​ക്ഷി​ക​ളി​ൽ 39 പേ​രും പ്രോ​സി​ക്യൂ​ഷ​ന്​ അ​നു​കൂ​ല​മാ​യ നി​ല​പാ​ട്​ സ്വീ​ക​രി​ച്ചെ​ങ്കി​ലും ഇ​തി​നൊ​ന്നും രേ​ഖ​ക​ളു​ടെ പി​ൻ​ബ​ല​മു​ണ്ടാ​യി​ല്ല.​

സു​പ്രീം​കോ​ട​തി വി​ധി​പ്ര​കാ​രം ബ​ലാ​ത്സം​ഗ​ക്കേ​സി​ൽ ഇ​ര​യു​ടെ മൊ​ഴി മാ​ത്രം ക​ണ​ക്കി​ലെ​ടു​ത്ത്​ ശി​ക്ഷ വി​ധി​ക്ക​ണ​മെ​ങ്കി​ൽ ഇ​ര നൂ​റു​ശ​ത​മാ​നം വി​ശ്വ​സി​ക്കാ​വു​ന്ന​യാ​ൾ ആ​യി​രി​ക്ക​ണം. എ​ന്നാ​ൽ, ഇ​ര​യു​ടെ മൊ​ഴി മാ​​​​ത്രം ക​ണ​ക്കി​ലെ​ടു​ത്ത്​ ശി​ക്ഷി​ക്കാ​ൻ ക​ഴി​യി​ല്ല എ​ന്നു കാ​ണി​ക്കു​ന്ന നി​ര​വ​ധി ഘ​ട​ക​ങ്ങ​ൾ ഉ​ണ്ടാ​യി​രു​ന്നെ​ന്ന്​​ പ്ര​തി​ഭാ​ഗം അ​ഭി​ഭാ​ഷ​ക​ൻ അ​ഡ്വ. സി.​എ​സ്. അ​ജ​യ​ൻ പ​റ​യു​ന്നു. നാ​ലു വ​ർ​ഷം വൈ​കി​യാ​ണ്​ ക​ന്യാ​സ്ത്രീ പ​രാ​തി ന​ൽ​കി​യ​തെ​ന്ന​താ​യി​രു​ന്നു പ്ര​തി​ഭാ​ഗം ആ​ദ്യം ചൂ​ണ്ടി​ക്കാ​ട്ടി​യ​ത്. 2014 മേ​യ് അ​ഞ്ചി​നാ​ണ് ആ​ദ്യ​മാ​യി പീ​ഡി​പ്പി​ച്ച​തെ​ന്നാ​ണ് പ​രാ​തി​യി​ലു​ള്ള​ത്. അ​വ​സാ​ന പീ​ഡ​നം 2016 സെ​പ്റ്റം​ബ​ർ 23നും. ​

എ​ന്നാ​ൽ, പ​രാ​തി ന​ൽ​കി​യ​ത് 2018 ജൂ​ൺ 28നാ​യി​രു​ന്നു. ഇ​രു​വ​രും ത​മ്മി​ൽ സൗ​ഹൃ​ദ​ത്തി​ലാ​യി​രു​ന്നു​വെ​ന്ന്​ തെ​ളി​യി​ക്കു​ന്ന​തി​നു​ള്ള ചി​ത്ര​ങ്ങ​ളും വി​ഡി​യോ ദൃ​ശ്യ​ങ്ങ​ളും പ്ര​തി​ഭാ​ഗം ഹാ​ജ​രാ​ക്കി. ക​ന്യാ​സ്ത്രീ​യു​ടെ ബ​ന്ധു​വി​ന്‍റെ മ​ക​ന്‍റെ ആ​ദ്യ കു​ർ​ബാ​ന​ച്ച​ട​ങ്ങി​ൽ കാ​ല​ടി പ​ള്ളി​യി​ൽ ഇ​രു​വ​രും എ​ത്തി​യ​ത് ബി​ഷ​പ്പി​ന്‍റെ കാ​റി​ലാ​യി​രു​ന്നു. ഇ​തി​ന്‍റെ വി​ഡി​യോ​ദൃ​ശ്യ​ങ്ങ​ളും പ്ര​തി​ഭാ​ഗം ഹാ​ജ​രാ​ക്കി. ഇ​രു​വ​രും ന​ല്ല ബ​ന്ധ​ത്തി​ലാ​യി​രു​ന്നു എ​ന്നും ക​ന്യാ​സ്ത്രീ​യു​ടെ ബ​ന്ധു​വാ​യ യു​വ​തി ന​ൽ​കി​യ പ​രാ​തി​യി​ൽ ബി​ഷ​പ് അ​ന്വേ​ഷ​ണം പ്ര​ഖ്യാ​പി​ച്ച​തോ​ടെ​യാ​ണ്​ ബ​ന്ധം വ​ഷ​ളാ​യ​തെ​ന്നു​മാ​യി​രു​ന്നു​ പ്ര​തി​ഭാ​ഗ​ത്തി​ന്‍റെ വാ​ദം. ത​ന്‍റെ ഭ​ർ​ത്താ​വു​മാ​യി ക​ന്യാ​സ്ത്രീ​ക്ക് ബ​ന്ധ​മു​ണ്ടെ​ന്നാ​യി​രു​ന്നു യു​വ​തി​യു​ടെ ആ​രോ​പ​ണം. ഈ ​പ​രാ​തി​യി​ൽ ന​ട​പ​ടി​യെ​ടു​ത്ത​താ​ണ്​ ബി​ഷ​പ്പി​നെ​തി​രാ​യ ആ​രോ​പ​ണ​ത്തി​ന്​ പി​ന്നി​ലെ​ന്ന്​ പ്ര​തി​ഭാ​ഗ​ത്തി​ന്​ സ്ഥാ​പി​ക്കാ​നാ​യി.

ബ​ലാ​ത്സം​ഗം ന​ട​ന്നു എ​ന്നാ​രോ​പി​ക്ക​പ്പെ​ടു​ന്ന കാ​ല​യ​ള​വി​ൽ ബി​ഷ​പ്പും ക​ന്യാ​സ്ത്രീ​യും ത​മ്മി​ൽ നി​ര​വ​ധി ത​വ​ണ ഇ-​മെ​യി​ൽ സ​ന്ദേ​ശ​ങ്ങ​ള​യ​ച്ച​തി​ന്‍റെ തെ​ളി​വു​ക​ളും ഹാ​ജ​രാ​ക്കി. ഒ​രു വാ​ർ​ത്ത ചാ​ന​ലി​ൽ വ​ന്ന സി​സ്റ്റ​ർ അ​നു​പ​മ​യു​ടെ അ​ഭി​മു​ഖ​വും പ്ര​തി​ഭാ​ഗം ഉ​പ​യോ​ഗി​ച്ചു. ബി​ഷ​പ്​ ബ​ലാ​ത്സം​ഗം ചെ​യ്ത​താ​യി അ​നു​പ​മ​യ​ട​ക്കം പ​ല​രോ​ടും പ​റ​ഞ്ഞു​വെ​ന്നാ​യി​രു​ന്നു ക​ന്യാ​സ്ത്രീ​യു​ടെ മൊ​ഴി. എ​ന്നാ​ൽ, കേ​സാ​യ​പ്പോ​ഴാ​ണ്​ താ​ൻ അ​റി​ഞ്ഞ​തെ​ന്നാ​യി​രു​ന്നു അ​ഭി​മു​ഖ​ത്തി​ൽ അ​നു​പ​മ പ​റ​ഞ്ഞ​ത്.

ക​ന്യാ​സ്ത്രീ​യു​ടെ വൈ​ദ്യ​പ​രി​ശോ​ധ​ന റി​പ്പോ​ർ​ട്ട്​ പൊ​ലീ​സ് തി​രു​ത്തി​​യെ​ന്ന് കോ​ട​തി​യി​ൽ തെ​ളി​യി​ക്കാ​നാ​യി. കോ​ട​തി​യി​ൽ ന​ൽ​കി​യ രേ​ഖ​യി​ൽ തി​രു​ത്ത​ൽ വ​രു​ത്തി​യ​ത്​ അ​ന്വേ​ഷി​ക്കാ​ൻ ആ​വ​ശ്യ​പ്പെ​ട്ടി​രു​ന്നു​വെ​ങ്കി​ലും കോ​ട​തി ത​ള്ളി​യ​താ​യി പ്ര​തി​ഭാ​ഗം വ്യ​ക്​​ത​മാ​ക്കി.