മൂന്നുമാസം റേഷൻ വാങ്ങിയില്ല​; 3738 കുടുംബം പുറത്ത്

കോ​ട്ട​യം: മൂ​ന്നു​മാ​സം തു​ട​ർ​ച്ച​യാ​യി റേ​ഷ​ൻ വാ​ങ്ങാ​ത്ത ജി​ല്ല​യി​ലെ 3738 കാ​ർ​ഡ്​ ഉ​ട​മ​ക​ൾ മു​ൻ​ഗ​ണ​ന വി​ഭാ​ഗ​ത്തി​ൽ​നി​ന്ന് പു​റ​ത്ത്. മു​ൻ​ഗ​ണ​ന വി​ഭാ​ഗ​ത്തി​ൽ​പെ​ടു​ന്ന (പി.​എ​ച്ച്.​എ​ച്ച്) 3204 കു​ടും​ബ​മാ​ണ്​​ തു​ട​ർ​ച്ച​യാ​യി മൂ​ന്നു​മാ​സം റേ​ഷ​ൻ ക​ട​ക​ളി​ൽ എ​ത്താ​തി​രു​ന്ന​ത്. ഇ​വ​രെ പൊ​തു​വി​ഭാ​ഗം (മു​ൻ​ഗ​ണ​നേ​ത​ര വി​ഭാ​ഗം എ​ൻ.​പി.​എ​ൻ.​എ​സ്) റേ​ഷ​ൻ​കാ​ർ​ഡി​ലേ​ക്ക് ത​രം​മാ​റ്റി. ഒ​പ്പം അ​ന്ത്യോ​ദ​യ അ​ന്ന​യോ​ജ​ന (എ.​എ.​വൈ.) വി​ഭാ​ഗം റേ​ഷ​ൻ​കാ​ർ​ഡു​ക​ൾ കൈ​വ​ശം വെ​ച്ചി​ട്ടു​ള്ള 530 കു​ടും​ബ​ങ്ങ​ളും പൊ​തു​വി​ഭാ​ഗം സ​ബ്‌​സി​ഡി​യു​ള്ള (എ​ൻ.​പി.​എ​സ്.) നാ​ല്​ റേ​ഷ​ൻ​കാ​ർ​ഡ് ഉ​ട​മ​ക​ളും ആ​നു​കൂ​ല്യ​ങ്ങ​ൾ കൈ​പ്പ​റ്റി​യി​ല്ല.

ഇ​വ​രു​ടെ റേ​ഷ​ൻ കാ​ർ​ഡും പൊ​തു​വി​ഭാ​ഗ​ത്തി​ലേ​ക്ക് മാ​റ്റി. ആ​നു​കൂ​ല്യ​ങ്ങ​ളു​ള്ള കാ​ർ​ഡ് കൈ​വ​ശം​വെ​ക്കു​ക​യും സ്ഥി​ര​മാ​യി റേ​ഷ​ൻ വാ​ങ്ങാ​തി​രി​ക്കു​ക​യും ചെ​യ്ത​വ​രു​ടെ പ​ട്ടി​ക ത​യാ​റാ​ക്കി​യാ​ണ് മു​ൻ​ഗ​ണ​ന വി​ഭാ​ഗ​ത്തി​ൽ​നി​ന്ന് നീ​ക്കി​യ​ത്. ഇ​വ​രു​ടെ കാ​ർ​ഡു​ക​ൾ പൊ​തു​വി​ഭാ​ഗ​ത്തി​ൽ തു​ട​രും. അ​​തേ​​സ​​മ​​യം, വ്യ​​ക്ത​​മാ​​യ കാ​​ര​​ണ​​ങ്ങ​​ളു​​ള്ള കാ​​ർ​​ഡ്​ ഉ​​ട​​മ​​ക​​ൾ​​ക്ക് അ​​പേ​​ക്ഷ ന​​ൽ​​കി വീ​​ണ്ടും സ​ബ്​​സി​ഡി വി​ഭാ​ഗ​ത്തി​ലേ​ക്ക്​ എ​ത്താ​ൻ അ​​വ​​സ​​ര​​മു​ണ്ടെ​ന്ന്​ സി​വി​ൽ സ​പ്ലൈ​സ്​ അ​ധി​കൃ​ത​ർ പ​റ​ഞ്ഞു. ഇ​ത്ത​ര​ത്തി​ൽ ഒ​ഴി​വു​വ​ന്ന സ​ബ്​​സി​ഡി വി​ഭാ​ഗ​ത്തി​ലേ​ക്ക്​ പു​തി​യ​താ​യി അ​പേ​ക്ഷ ന​ൽ​കി​യ​വ​രെ ഉ​ൾ​പ്പെ​ടു​ത്തും. മു​​ൻ​​ഗ​​ണ​​ന കാ​​ർ​​ഡ്​ ല​​ഭി​​ക്കാ​​ൻ ആ​​യി​​ര​​ക്ക​​ണ​​ക്കി​​ന് ​പേ​രാ​ണ്​ അ​​പേ​​ക്ഷ​​ക​ളാ​ണ്​ ന​ൽ​കി​യി​രി​ക്കു​ന്ന​ത്. ​വ​സ്തു​ത​ക​ൾ മ​റ​ച്ചു​​വെ​ച്ച് മു​ൻ​ഗ​ണ​ന പ​ട്ടി​ക​യി​ൽ ക​ട​ന്നു​കൂ​ടി​യ​വ​രി​ൽ പി​ഴ ഈ​ടാ​ക്കാ​നു​ള്ള ന​ട​പ​ടി​യും ന​ട​ന്നു​വ​രു​ന്നു​ണ്ട്.