കോട്ടയം: മറിയപ്പള്ളിക്കടുത്ത് മുട്ടത്തെ പാറമടക്കുളത്തിൽ ടിപ്പർ ലോറി വീണു. ഡ്രൈവർ ലോറിക്കുള്ളിൽ കുടുങ്ങി. വെള്ളിയാഴ്ച രാത്രി ഒമ്പതരയോടെയാണ് സംഭവം. മുട്ടത്തെ വളം ഡിപ്പോയില്നിന്ന് വളവുമായി ആലപ്പുഴക്ക് പോയ ലോറിയാണ് അപകടത്തിൽപെട്ടത്. തിരുവനന്തപുരം കരുമാനൂര് പാറശാല സ്വദേശി ബി. അജികുമാറാണ് ലോറിയിൽ കുടുങ്ങിയത്. 100 അടി താഴ്ചയിലേക്കാണ് ലോറി വീണത്. ലോറി വളവുതിരിയുന്നതിനിടെ തിട്ടയിടിഞ്ഞ് പാറമടയിൽ വീഴുകയായിരുന്നു. ശബ്ദം കേട്ടെത്തിയ നാട്ടുകാർ കാണുന്നത് പാറക്കുളത്തിൽ വീണ ലോറി വെള്ളത്തിൽ മുങ്ങിത്താഴുന്നതാണ്. നാട്ടുകാർ വിവരം അറിയിച്ചതിനെത്തുടർന്ന് പൊലീസും അഗ്നിരക്ഷാ സേനയും സ്ഥലത്തെത്തി. കോട്ടയം അഗ്നിരക്ഷാ സേനയുടെ സ്കൂബ ടീം അംഗങ്ങൾ എത്തി പാറമടയിൽ ഇറങ്ങി രാത്രിയും തിരച്ചിൽ നടത്തുകയാണ്. പ്രദേശത്താകെ ഇരുട്ടായതിനാൽ വെള്ളത്തിൽ മുങ്ങിയ ലോറി കാണാൻ സാധിച്ചിരുന്നില്ല. അതുകൊണ്ട് രക്ഷാപ്രവര്ത്തനം ഏറെ ബുദ്ധിമുട്ടായി. നാട്ടുകാര് നല്കുന്ന വെളിച്ചവും അഗ്നിരക്ഷാ സേനയുടെ ലൈറ്റുമാണ് പ്രദേശത്ത് വെളിച്ചത്തിന് ഉപയോഗിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.