പ്രതിയെ കുടുംബവീട്ടിൽ തെളിവെടുപ്പിന്​ കൊണ്ടുവന്നു

കാഞ്ഞിരപ്പള്ളി: സഹോദരനെയും മാതൃസഹോദരനെയും വെടിവെച്ച്​ കൊലപ്പെടുത്തിയ കരിമ്പനാൽ ജോർജ് കുര്യനെ കൊലപാതകം നടത്തിയ കുടുംബവീട്ടിൽ പൊലീസ് തെളിവെടുപ്പിന്​ കൊണ്ടുവന്നു. വൈകീട്ട് ഏഴോടെ ഡിവൈ.എസ്.പി സി.ബാബുക്കുട്ടന്‍റെ നേതൃത്വത്തിലാണ്​ പ്രതിയെ തെളിവെടുപ്പിന്​ കൊണ്ടുവന്നത്. ജോർജിനോട് പൊലീസ് സംഭവം ചോദിച്ചറിഞ്ഞു. സംഘർഷവും വെടിവെപ്പുമെല്ലാം ഇയാൾ പൊലീസിനോട് വിശദീകരിച്ചു. മെഡിക്കൽ കോളജ് ആശുപത്രിയിൽ വൈദ്യപരിശോധനക്കുശേഷമാണ് തെളിവെടുപ്പിന്​ കൊണ്ടുവന്നത്. ശേഷം പ്രതിയെ മജിസ്​ട്രേറ്റിന്​ മുന്നിൽ ഹാജരാക്കി. KTL Thelivedupp കരിമ്പനാൽ ജോർജ് കുര്യനെ കൊലപാതകം നടത്തിയ കുടുംബവീട്ടിൽ പൊലീസ് തെളിവെടുപ്പിന്​ കൊണ്ടുവരുന്നു