ഓടിക്കൊണ്ടിരുന്ന കാറിന് തീപിടിച്ചു

കോട്ടയം: . പൂർണമായും കത്തിനശിച്ചു. വെള്ളിയാഴ്ച പുലർച്ച 1.30ഓടെ കരിക്കാട്ടാണ് സംഭവം. തിരുവനന്തപുരത്തുനിന്ന്​ ചെന്നൈയിലേക്ക് പോകുകയായിരുന്ന കുടുംബം സഞ്ചരിച്ചിരുന്ന കാറാണ് അപകടത്തിൽപെട്ടത്. തിരുവനന്തപുരം സ്വദേശിനി പ്രീതി നായർ (30), ഭർത്താവ് പ്രണോബ് ജയപ്രകാശ്, ഇവരുടെ ഒരുവയസ്സുള്ള കുട്ടി എന്നിവരാണ് വണ്ടിയിൽ ഉണ്ടായിരുന്നത്. പ്ലാച്ചേരിയിൽനിന്ന്​ പൊന്തൻപുഴയിലേക്ക് വരുന്ന വഴി കാറിന്‍റെ ബോണറ്റിൽനിന്ന്​ പുക ഉയരുന്നതുകണ്ട് പ്രണോബ് കാർ നിർത്തി എല്ലാവരും പുറത്തിറങ്ങുകയായിരുന്നു. ഇവരുടെ അത്യാവശ്യ സാധനങ്ങളും കാറിൽനിന്ന്​ മാറ്റിയിരുന്നു. അപ്പോഴേക്കും തീ പടരുകയും കാർ പൂർണമായും കത്തിപ്പോകുകയും ചെയ്തു. കാഞ്ഞിരപ്പള്ളി അഗ്നിരക്ഷാസേനയും മണിമല പൊലീസും സ്ഥലത്തെത്തി. മറ്റൊരു ടാക്‌സി വാഹനത്തിൽ ഇവർ യാത്ര തുടർന്നു. KTL Car fire പ്ലാച്ചേരിക്കും പൊന്തൻപുഴക്കും ഇടയിൽ ഓട്ടത്തിനിടയിൽ കത്തിനശിച്ച കാർ