നേട്ടങ്ങളുടെ പട്ടികയുമായി എം.സുശീൽ വിരമിക്കുന്നു

കോട്ടയം: നികുതി പിരിവിലും പദ്ധതി നിർവഹണത്തിലും മീനച്ചിൽ പഞ്ചായത്തിനെ ജില്ലയുടെ മുൻനിരയിലെത്തിച്ചശേഷം സെക്രട്ടറി എം.സുശീൽ വിരമിക്കുന്നു. 1997ൽ മലപ്പുറത്ത്​ എൽ.ഡി ക്ലർക്കായി​ സർവിസിൽ പ്രവേശിച്ച സുശീൽ ചൊവ്വാഴ്ച വിരമിക്കും. ജനസൗഹൃദ സദ്ഭരണ അഴിമതിരഹിത പഞ്ചായത്തുകളാക്കാനുള്ള പ്രവർത്തനങ്ങൾക്ക്​ നേതൃത്വം നൽകി. ഇതിന്​ സർക്കാർ പ്രത്യേക പുരസ്കാരം നൽകി ആദരിച്ചു. കോട്ടയം ജില്ലയിലെ എല്ലാ പഞ്ചായത്തും​ ഐ.എസ്​.ഒ നിലവാരത്തിലേക്ക് ഉയർത്താനുള്ള പ്രവർത്തനങ്ങൾക്കും നേതൃപരമായ പങ്കുവഹിച്ചു. 2019ലാണ്​ മീനച്ചിൽ പഞ്ചായത്തിൽ സെക്രട്ടറിയായി നിയമിതനായത്​. എൻ.ജി.ഒ യൂനിയൻ ഏരിയ പ്രസിഡന്‍റ്​, യൂനിയൻ ജില്ല കമ്മിറ്റി അംഗം തുടങ്ങിയ സ്ഥാനങ്ങൾ വഹിച്ചിട്ടുണ്ട്​. ഗവ. എംപ്ലോയീസ്​ കോഓപറേറ്റിവ്​ സൊസൈറ്റി ജില്ല പ്രസിഡന്‍റുമായിരുന്നു​. പാലാ ഏഴാച്ചേരി സ്വദേശിയാണ്​. ഭാര്യ: അനിത ബി. നായർ (അധ്യാപിക). ---- പടം KTL SUSHIL എം.സുശീൽ ---------- മണർകാട് ഗോഡൗണിൽ തീപിടിത്തം കോട്ടയം: മണർകാട് കവലയി​ൽ പ്രവർത്തിച്ചിരുന്ന ഡ്രസ് വേൾഡ്​ വസ്ത്രവിൽപനശാലയുടെ ഗോഡൗണിലെ മാലിന്യത്തിന് തീപിടിച്ചു. ശനിയാഴ്ച ഉച്ചക്ക്​ 2.30ന്​ കെട്ടിടത്തിന് മുകളിലത്തെ നിലയിലായിരുന്നു തീപിടിത്തം. തീയും പുകയും ഉയരുന്നത്​ കണ്ട നാട്ടുകാരാണ് അഗ്​നിരക്ഷാസേനയെ വിവരം അറിയിച്ചത്​. ഷോർട്ട്​ സർക്യൂട്ടാണ്​ തീപിടിത്തത്തിന്​ കാരണമെന്ന്​ സംശയിക്കുന്നു. നേരത്തേ, ഇവിടെ പ്രവർത്തിച്ചിരുന്ന വസ്ത്രവിൽപനശാല മറ്റൊരിടത്തേക്ക്​ മാറ്റിയിരുന്നു. ഇതോടെ മുകൾനിലയിലെ ഗോഡൗണിലെ തുണികളെല്ലാം മാറ്റിയിരുന്നു. ഉപേക്ഷിക്കപ്പെട്ട തുണികളിലാണ്​ തീപടർന്നത്​. കോട്ടയം, പാമ്പാടി എന്നിവിടങ്ങളിൽനിന്ന്​ അഗ്​നിരക്ഷാസേന എത്തിയാണ്​ തീ അണച്ചത്​. സമീപ കടകളിലേക്ക്​ തീ വ്യാപിക്കാതെ തടഞ്ഞു. -------. പടം DP