കൊല്ലം: പി.എസ്.സിയുടെ വ്യാജ നിയമന ഉത്തരവ് നിർമിച്ച് ജോലിക്ക് കയറാൻ ശ്രമിച്ച സംഭവത്തിൽ പ്രതിയായ യുവതിയെ കസ്റ്റഡിയിൽ ലഭിക്കാൻ പൊലീസ് ചൊവ്വാഴ്ച കോടതിയിൽ അപേക്ഷ നൽകും. ഇടക്കാല ജാമ്യത്തിലുള്ള കൊല്ലം വാളത്തുംഗൽ ‘ഐശ്വര്യ’യിൽ ആർ. രാഖിയുടെ ജാമ്യം റദ്ദാക്കാനുള്ള അപേക്ഷയും ഇതിനൊപ്പം സമർപ്പിക്കും. വിശദമായ ചോദ്യം ചെയ്യലിനും സമഗ്ര അന്വേഷണത്തിനും കസ്റ്റഡിയിൽ ലഭിക്കണമെന്നാണ് പൊലീസ് ആവശ്യപ്പെടുക. ഞായറാഴ്ച പൊലീസ് കോടതിയിൽ ഹാജരാക്കിയ യുവതിക്ക് ഇടക്കാല ജാമ്യം അനുവദിക്കുകയായിരുന്നു. കൈക്കുഞ്ഞ് ഉണ്ടെന്ന പരിഗണനയിൽ, ചൊവ്വാഴ്ച കോടതിയിൽ ഹാജരാകണമെന്ന ഉപാധിയോടെയാണ് ജാമ്യം അനുവദിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.