റെയിൽവേ സ്​റ്റേഷൻ വികസനം; വീർപ്പുമുട്ടി യാത്രക്കാർ

കൊ​ല്ലം: നി​​ർ​​മാ​​ണ പ്ര​​വ​​ർ​​ത്ത​​ന​​ങ്ങ​​ൾ പു​രോ​ഗ​മി​ക്കു​മ്പോ​ഴും കൊ​​ല്ലം റെ​​യി​​ൽ​​വേ സ്​​​റ്റേ​​ഷ​​നി​​ൽ വീ​ർ​പ്പു​മു​ട്ടി യാ​​ത്ര​​ക്കാ​​ർ. ആ​ധു​നി​ക രീ​തി​യി​ൽ സ്​​റ്റേ​ഷ​ന്‍റെ നി​ർ​മാ​ണ​മാ​ണ്​ പു​രോ​ഗ​മി​ക്കു​ന്ന​ത്. എ​ന്നാ​ൽ, യാ​ത്ര​ക്കാ​ർ​ക്ക്​ കാ​ൽ​ന​ട​ക്കാ​നു​ള്ള വീ​തി​പോ​ലു​മി​ല്ലാ​തെ​യാ​ണ്​ നി​ർ​മാ​ണ​പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി ഒ​ന്ന്, ര​ണ്ട്, മൂ​ന്ന്​ പ്ലാ​റ്റ്​ ഫോ​മു​ക​ൾ കെ​ട്ടി​യ​ട​ച്ചി​രി​ക്കു​ന്ന​ത്. ട്രെ​യി​ൻ വ​രു​ന്ന സ​മ​യ​ങ്ങ​ളി​ൽ ഭീ​തി​യോ​ടെ​യാ​ണ്​ യാ​ത്ര​ക്കാ​ർ പ്ലാ​റ്റ്​ ഫോ​മി​ലൂ​ടെ ന​ട​ന്നു​നീ​ങ്ങു​ന്ന​ത്. ഒ​രാ​ൾ​ക്ക്​ മാ​ത്രം ന​ട​ക്കാ​ൻ വ​ലി​പ്പ​മേ​റി​യ പ്ലാ​റ്റ്​ ഫോ​മി​ലൂ​ടെ എ​തി​ർ ദി​ശ​യി​ൽ മ​റ്റൊ​രാ​ൾ വ​ന്നാ​ൽ കൂ​ട്ടി​മു​ട്ടി ട്രാ​ക്കി​ലേ​ക്കു​വീ​ഴും എ​ന്ന അ​വ​സ്ഥ​യി​ലാ​ണ്​ കാ​ര്യ​ങ്ങ​ൾ.

ഒ​ന്നാം ന​മ്പ​ർ പ്ലാ​റ്റ് ഫോ​മി​ലൂ​ടെ ന​ട​ക്കു​മ്പോ​ഴാ​ണ്​ ഏ​റെ ഭ​യ​ക്കേ​ണ്ട​ത്. മു​ക​ളി​ൽ കെ​ട്ടി​ട​ങ്ങ​ളു​ടെ നി​ർ​മാ​ണ പ്ര​വൃ​ത്തി​ക​ൾ ന​ട​ക്കു​ന്നു, പി​ന്നി​ൽ​നി​ന്നും ട്രെ​യി​ൻ​വ​രു​ന്നു​ണ്ടോ എ​ന്ന്​ ഇ​ട​ക്കി​ടെ തി​രി​ഞ്ഞു​നോ​ക്കി ക​ഴി​ച്ചി​ലാ​വു​ക​യാ​ണ്​ യാ​ത്ര​ക്കാ​രു​ടെ ദുഃ​സ്ഥി​തി.

ക​ഴി​ഞ്ഞ ദി​വ​സ​മാ​ണ്​ ​നി​ർ​മാ​ണം ന​ട​ക്കു​ന്ന കെ​ട്ടി​ട​ത്തി​ൽ​നി​ന്നും ഇ​രു​മ്പ് തൂ​ൺ മ​റി​ഞ്ഞു​വീ​ണ്​ ര​ണ്ടു​പേ​ർ​ക്ക്​ പ​രി​ക്കേ​റ്റ​ത്. പ്ര​വൃ​ത്തി ദി​വ​സ​ങ്ങ​ളി​ൽ രാ​വി​ലെ​യും വൈ​കു​ന്നേ​ര​വും അ​നി​യ​ന്ത്രി​ത​മാ​യ തി​ര​ക്കാ​ണ്​ റെ​യി​ൽ​വേ സ്​​റ്റേ​ഷ​നി​ൽ അ​നു​ഭ​വ​പ്പെ​ടു​ന്ന​ത്. ഒ​രു​വ​ശ​ത്ത്​ നി​ർ​മാ​ണ​ത്തി​നാ​യി ജി.​ഐ ഷീ​റ്റു​ക​ൾ ഉ​പ​യോ​ഗി​ച്ച്​ മ​റ​ച്ച​തും മ​റു​വ​ശ​ത്ത്​ ട്രെ​യി​ൻ പ്ലാ​റ്റ്​​ഫോ​മി​ൽ വ​ന്നു​നി​ൽ​ക്കു​ന്ന​തും കാ​ര​ണ​ത്താ​ലു​ണ്ടാ​കു​ന്ന തി​ര​ക്കി​ൽ അ​ന​ങ്ങാ​ൻ ക​ഴി​യാ​തെ ട്രെ​യി​നി​ൽ​നി​ന്ന്​ ഇ​റ​ങ്ങു​ന്ന​വ​രും ക​യ​റു​ന്ന​വ​രും തി​ങ്ങി ഞെ​രു​ങ്ങു​ക​യാ​ണ്.

ഇ​ത്ര​യ​ധി​കം യാ​ത്ര​ക്കാ​ർ ഒ​രേ​സ​മ​യ​മെ​ത്തു​ന്ന ട്രെ​യി​നു​ക​ൾ മ​റ്റു​പ്ലാ​റ്റ്​​ഫോ​മു​ക​ളി​ലേ​ക്ക്​ മാ​റ്റു​ന്ന​തി​നും അ​ധി​കൃ​ത​ർ ത​യാ​റാ​കാ​ത്ത​താ​ണ്​ തി​ര​ക്കി​ന്​ കാ​ര​ണ​മെ​ന്നും താ​ത്ര​ക്കാ​ർ ആ​രോ​പി​ക്കു​ന്നു. വ​ള​രെ കു​റ​ച്ചു​സ​മ​യം മാ​ത്രം സ്​​റ്റേ​ഷ​നി​ൽ നി​ർ​ത്തു​ന്ന തി​ര​ക്കേ​റി​യ ട്രെ​യി​നു​ക​ളി​ൽ ക​യ​റാ​നും ഇ​റ​ങ്ങാ​നു​മു​ള്ള തി​ടു​ക്ക​ത്തി​നി​ട​യി​ൽ യാ​ത്ര​ക്കാ​ർ പ​ര​സ്​​പ​രം വാ​ക്കേ​റ്റ​ത്തി​നും ക​യ്യാ​ങ്ക​ളി​ക്കും വേ​ദി​യാ​വു​ക​യു​മാ​ണ്. തി​ര​ക്ക്​ കാ​ര​ണ​ത്താ​ൽ ഇ​വി​ട​ങ്ങ​ളി​ലേ​ക്ക്​​ റെ​യി​ൽ​വേ പൊ​ലീ​സി​ന്​ പ​ല​പ്പോ​ഴും എ​ത്താ​ൻ​ക​ഴി​യാ​തെ​യും ​പോ​കു​ന്നു​ണ്ട്. തി​ര​ക്കൊ​ഴി​വാ​ക്കി ട്രെ​യി​നി​ന്‍റെ പ്ലാ​റ്റ്​​ഫോ​മി​ല്ലാ​ത്ത വ​ശ​ത്തി​ലൂ​ടെ ട്രാ​ക്കി​ലി​റ​ങ്ങി ട്രെ​യി​നി​ൽ ക​യ​റാ​ൻ ശ്ര​മി​ക്കു​ന്ന​തും പ​തി​വ്​ കാ​ഴ്ച​യാ​വു​ക​യാ​ണ്.

യാ​​ത്ര​ക്കാ​രു​ടെ സു​ര​ക്ഷ​ക്ക്​ പ്ര​ഥ​മ പ​രി​ഗ​ണ​ന ന​ൽ​കി​യാ​ണ്​ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തെ​ന്ന്​ റെ​യി​ൽ​വേ അ​ധി​കൃ​ത​ർ അ​വ​കാ​ശ​പ്പെ​ടു​മ്പോ​ഴും ​ശൗ​ചാ​ല​യ​മു​ൾ​പ്പെ​ടെ​യു​ള്ള സം​വി​ധാ​ന​ങ്ങ​ൾ ഒ​രു​ക്കി​ന​ൽ​ക്കാ​ൻ അ​ധി​കൃ​ത​ർ​ക്കാ​യി​ട്ടി​ല്ല. സ്​​റ്റേ​ഷ​നി​ലെ​ത്തു​ന്ന യാ​ത്ര​ക്കാ​ർ​ക്ക്​ നി​ന്നു​തി​രി​യാ​നി​ട​മി​ല്ലാ​ത്ത​തി​നെ​പ്പം താ​ൽ​ക്കാ​ലി​ക​മാ​യെ​ങ്കി​ലും ഒ​രു റെ​സ്​​റ്റോ​റ​ന്‍റു​പോ​ലും പ്ര​വ​ർ​ത്തി​ക്കു​ന്നി​ല്ലെ​ന്നും ആ​രോ​പ​ണ​മു​ണ്ട്. സ്​​റ്റേ​ഷ​നി​ലെ​ത്തു​ന്ന​വ​ർ പ​ല​രും ഹോ​ട്ട​ലു​ക​ൾ അ​ന്വേ​ഷി​ച്ചു​ന​ട​ക്കു​ന്ന​തും സ്ഥി​രം കാ​ഴ്ച​യാ​വു​ക​യാ​ണ്.