ഉപരോധിച്ചു

ഇരവിപുരം: പുന്തലത്താഴം മൃഗാശുപത്രിയിൽ സ്ഥിരം ഡോക്ടർ ഇല്ലാത്തതിലും, ആവശ്യത്തിന് മരുന്നുകൾ ഇല്ലാത്തതിലും പ്രതിഷേധിച്ച് എസ്.ഡി.പി.ഐ നേതൃത്വത്തിൽ മൃഗാശുപത്രിയിൽ ഉപരോധസമരം നടത്തി. പൊലീസ് ജില്ല വെറ്ററിനറി കേന്ദ്രം അധികൃതരുമായി ബന്ധപ്പെട്ട്​, പ്രശ്നത്തിന് ഉടൻ പരിഹാരം ഉണ്ടാക്കാമെന്ന് അറിയിച്ചതോടെ സമരം അവസാനിപ്പിച്ചു. ഇവിടെ ഡോക്ടർ ഇല്ലാത്തതിനാൽ കൊറ്റങ്കരയിൽനിന്നാണ് ഇടക്ക്​ ഡോക്ടർ എത്തുന്നത്‌. മണ്ഡലം പ്രസിഡന്‍റ്​ റിയാസ് അയത്തിൽ, ഡിവിഷൻ പ്രസിഡന്‍റ്​ എം.എ.ബി. നിസാമുദ്ദീൻ, സെക്രട്ടറി റാഫി, നവാസ് അയത്തിൽ, സഫർ എന്നിവർ നേതൃത്വം നൽകി. super lead,,,തൃക്കോവിൽവട്ടം പഞ്ചായത്തിന് കളിസ്ഥലം യാഥാർഥ്യമാകുന്നു (ചിത്രം) കൊട്ടിയം: ജില്ലയിലെ ഏറ്റവും വലിയ പഞ്ചായത്തുകളിൽ ഒന്നായ തൃക്കോവിൽവട്ടത്ത്​ ചെറുപ്പക്കാരുടെ ചിരകാല സ്വപ്നവും, ആവശ്യവുമായിരുന്ന കളിസ്ഥലം യാഥാർഥ്യമാകുന്നു. തൃക്കോവിൽവട്ടം പഞ്ചായത്തിന്‍റെ 2021-'22 ലെ വാർഷിക പദ്ധതിയിൽ ഉൾപ്പെടുത്തി തനത് ഫണ്ടിൽനിന്നും 50 ലക്ഷത്തോളം രൂപ മുടക്കി 50 സെന്‍റ്​​ വസ്തു കുരീപ്പള്ളിയിൽ കളിസ്ഥലത്തിനും, അഞ്ച്​ സെന്‍റ്​ വസ്തു ബഡ്സ് സ്കൂളിനുംവേണ്ടി വാങ്ങി. ഇപ്പോൾ ബഡ്​സ്​ സ്കൂൾ തൃക്കോവിൽവട്ടം പ്രാഥമിക ആരോഗ്യകേന്ദ്രത്തിലാണ് പ്രവർത്തിക്കുന്നത്. ഇത്​ അവിടെനിന്നും മാറ്റണമെന്ന് ഡയറക്ടറേറ്റിൽനിന്നും നിരവധി തവണ ആവശ്യപ്പെട്ടതുകൊണ്ടാണ് ബഡ്​സ്​ സ്കൂളിന് സ്ഥലം വാങ്ങിയത്. പഞ്ചായത്ത് രൂപവത്​കൃതമായ കാലം മുതലുള്ള ആവശ്യം ആയിരുന്നു കളിസ്ഥലം എന്നത്. സ്റ്റേഡിയത്തിന്‍റെ നിർമാണം കൂടി പൂർത്തിയായാൽ യുവ കായിക പ്രതിഭകൾക്ക്​ സൗകര്യമൊരുക്കുന്നതിൽ പഞ്ചായത്ത്​ പൂർണമായും വിജയിക്കും. 55 സെന്‍റ്​ വസ്തുവിന്‍റെ രജിസ്ട്രേഷൻ കണ്ണനല്ലൂർ സബ് രജിസ്ട്രാർ ഓഫിസിൽ നടന്നു. ഗ്രാമപഞ്ചായത്ത്‌ പ്രസിഡന്‍റ്​‌ എൽ. ജലജകുമാരി, ബ്ലോക്ക്‌ പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷൻ എം. സജീവ്, വൈസ് പ്രസിഡന്‍റ്​ ആർ. സതീഷ് കുമാർ, അലിയാരു കുട്ടി, ബിനു പി. ജോൺ, പി. ഷിബുലാൽ, ഗ്രാമപഞ്ചായത്ത് സെക്രട്ടറി എസ്.എൻ. അജിത്, മുഖത്തല ഗ്രാമോദ്ധാരണ ട്രസ്റ്റ് പ്രസിഡന്‍റ്​ ടി. വിജയകുമാർ, തൃക്കോവിൽവട്ടം പഞ്ചായത്ത് സർവിസ് സഹകരണ ബാങ്ക് പ്രസിഡന്‍റ്​ കെ. മനോജ് കുമാർ, എം. രാധാകൃഷ്ണപിള്ള, സബ് രജിസ്​ട്രാർ ഓഫിസർ ശ്യാംകുമാർ എന്നിവർ പ​ങ്കെടുത്തു.