വീ​ട്ടു​വേ​ല അ​ഭി​മാ​നം; ഷൈ​നി​യെ തേ​ടി സ​ർ​ക്കാ​ർ പു​ര​സ്കാ​രം

കൊ​ട്ടി​യം: ഹി​ന്ദി ഭൂ​ഷ​ൺ പാ​സാ​യ ഷൈ​നി റേ​ച്ച​ലി​ന് (47) ഹി​ന്ദി അ​ധ്യാ​പി​ക​യാ​കാ​നാ​യി​രു​ന്നു മോ​ഹം. എ​ന്നാ​ൽ, ജീ​വി​ത​പ്രാ​രാ​ബ്ധം മൂ​ലം വീ​ട്ടു​വേ​ല ചെ​യ്യാ​നാ​യി​രു​ന്നു തീ​രു​മാ​നം. വീ​ട്ടു​വേ​ല അ​ഭി​മാ​ന​മാ​യി ക​ണ്ട് ജോ​ലി​യി​ൽ ഒ​രു ക​ള​ങ്ക​വും വ​രു​ത്താ​തെ നി​ല​കൊ​ണ്ട​തി​ന് ഇ​പ്പോ​ൾ പു​ര​സ്കാ​ര​വു​മെ​ത്തി. കൊ​ട്ടി​യം ഒ​റ്റ​പ്ലാ​മൂ​ട് ഷൈ​ൻ വി​ല്ല​യി​ൽ കൂ​ലി​പ്പ​ണി​ക്കാ​ര​നാ​യ പ​ത്രോ​സി​െൻറ ഭാ​ര്യ ഷൈ​നി റേ​ച്ച​ലി​നെ സം​സ്ഥാ​ന സ​ർ​ക്കാ​ർ മി​ക​ച്ച ഗാ​ർ​ഹി​ക തൊ​ഴി​ലാ​ളി​ക്കു​ള്ള തൊ​ഴി​ലാ​ളി ശ്രേ​ഷ്ഠ പു​ര​സ്കാ​ര​ത്തി​ന് തെ​ര​ഞ്ഞെ​ടു​ത്തു.

എ​ട്ടു​വ​ർ​ഷ​മാ​യി ഒ​റ്റ​പ്ലാ​മൂ​ട്ടി​ലു​ള്ള റി​ട്ട. അ​ധ്യാ​പി​ക ജോ​യി​സ് ചാ​ക്കോ​യു​ടെ വീ​ട്ടി​ലെ ജോ​ലി​ക​ളെ​ല്ലാം ചെ​യ്യു​ന്ന​ത് ഷൈ​നി റേ​ച്ച​ലാ​ണ്. പ​ത്താം ക്ലാ​സി​ലും ആ​റാം ക്ലാ​സി​ലും പ​ഠി​ക്കു​ന്ന ര​ണ്ട് ആ​ൺ​മ​ക്ക​ളെ​യും സ്കൂ​ളി​ലേ​ക്ക് അ​യ​ച്ച ശേ​ഷം ഒ​മ്പ​തോ​ടെ ജോ​ലി​ക്ക് പോ​കു​ന്ന ഇ​വ​ർ വൈ​കീ​ട്ട് അ​ഞ്ച​ര​യോ​ടെ തി​രി​കെ വീ​ട്ടി​ലെ​ത്തും. പാ​ച​ക​വും തു​ണി അ​ല​ക്ക​ലു​മൊ​ക്കെ വൃ​ത്തി​യും വെ​ടി​പ്പോ​ടും ചെ​യ്യു​ന്ന​തി​നാ​ൽ ജോ​ലി നോ​ക്കു​ന്ന വീ​ട്ടു​കാ​ർ​ക്കും ഇ​വ​ർ കു​ടും​ബാം​ഗ​ത്തെ​പ്പോ​ലെ​യാ​ണ്. വീ​ട്ടു​ജോ​ലി​ക​ഴി​ഞ്ഞ് തി​രി​ച്ചെ​ത്തി​യാ​ൽ കു​ട്ടി​ക​ൾ​ക്ക് ഹി​ന്ദി ട്യൂ​ഷ​ൻ എ​ടു​ക്കു​ന്ന​തി​നും ഇ​വ​ർ സ​മ​യം ക​ണ്ടെ​ത്താ​റു​ണ്ട്. കൂ​ലി​പ്പ​ണി​ക്കാ​ര​നാ​യ ഭ​ർ​ത്താ​വി​ന് നി​ത്യ​വും ജോ​ലി​യി​ല്ലാ​താ​യ​തോ​ടെ​യാ​ണ് ഇ​വ​ർ വീ​ട്ടു​ജോ​ലി​ക്കി​റ​ങ്ങി​യ​ത്.

വീ​ട്ടു​ജോ​ലി​ക്കാ​രു​ടെ സം​ഘ​ട​ന​യാ​യ കേ​ര​ള ഡൊ​മ​സ്​​റ്റി​ക് വ​ർ​ക്കേ​ഴ്സ് യൂ​നി​യ​െൻറ സെ​ക്ര​ട്ട​റി കൂ​ടി​യാ​ണ് ഇ​വ​ർ. കൊ​ട്ടി​യം ഹോ​ളി​ക്രോ​സ് കോ​ൺ​വെൻറി​ലെ സോ​ഷ്യ​ൽ വ​ർ​ക്ക​റാ​യ സി​സ്​​റ്റ​ർ ആ​ശ​യാ​ണ് അ​വാ​ർ​ഡി​നാ​യി പ​രി​ഗ​ണി​ക്കു​ന്ന​തി​നു​ള്ള അ​പേ​ക്ഷ അ​യ​ക്കാ​ൻ പ്രോ​ത്സാ​ഹി​പ്പി​ച്ച​തെ​ന്ന് ഇ​വ​ർ പ​റ​ഞ്ഞു. എ​ട്ടി​ന്​ കു​ടും​ബ​ത്തോ​ടൊ​പ്പം അ​വാ​ർ​ഡ് വാ​ങ്ങും.