കരുനാഗപ്പള്ളി: എട്ട് ലക്ഷം രൂപയുടെ പുകയില ഉൽപന്നങ്ങൾ പിടികൂടി. പുതിയകാവ് പുന്നക്കുളത്ത് ഒഴിഞ്ഞുകിടന്ന പുരയിടത്തിൽ വിൽപനക്കായി 22 ചാക്കുകളിൽ സൂക്ഷിച്ചിരുന്ന 14000 പാക്കറ്റ് പാൻ മസാലയാണ് പിടികൂടിയത്.
കരുനാഗപ്പള്ളി എക്സൈസ് സർക്കിൾ ഇൻസ്പെക്ടർ പി. ശിവപ്രസാദിന് ലഭിച്ച രഹസ്യ വിവരത്തിന്‍റെ അടിസ്ഥാനത്തിലാണ് പരിശോധന നടത്തിയത്.
കഴിഞ്ഞദിവസം പുത്തൻതെരുവിന് പടിഞ്ഞാറ് ഭാഗത്ത് നിന്ന് കഞ്ചാവ് കൈവശം വെച്ച കുറ്റത്തിന് രഞ്ജു കൃഷ്ണൻ, അജേഷ്, അഖിൽ ബാബു, സന്ദീപ് എന്നിവരെ എക്സൈസ് അറസ്റ്റ് ചെയ്തിരുന്നു. പാൻ മസാലയുടെ ഉടമയെക്കുറിച്ച് വിവരം ലഭിച്ചിട്ടുണ്ടെന്ന് എക്സൈസ് ഉദ്യോഗസ്ഥർ പറഞ്ഞു.
റെയ്‌ഡിൽ പ്രിവൻറിവ് ഓഫിസർമാരായ പി.എ. അജയകുമാർ, എ. അജിത് കുമാർ, കെ. അംബികേശൻ, സിവിൽ എക്സൈസ് ഓഫിസർമാരായ സന്തോഷ്, അനിൽ കുമാർ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.