കന്നേറ്റി പാലത്തിൽനിന്ന് ചാടിയ യുവാവ് മരിച്ചു

കരുനാഗപ്പള്ളി: കന്നേറ്റി പാലത്തിൽനിന്ന്​ കായലിലേക്ക് ചാടിയ യുവാവ് മരിച്ചു. മരുതൂർകുളങ്ങര തെക്ക് മുരളീഭവനത്ത് ബിനുആണ് (45) മരിച്ചത്. വ്യാഴാഴ്​ച 2.30 ഓടെയാണ് കന്നേറ്റി പാലത്തിൽനിന്നും ഒരാൾ കായലിലേക്ക് ചാടുന്നത് അത​ുവഴി പോയവർ കണ്ടത്.

കരുനാഗപ്പള്ളി പൊലീസും ഫയർഫോഴ്സും തിരച്ചിൽ നടത്തുന്നതിടെ കൊല്ലത്തുനിന്നുമെത്തിയ ഫയർഫോഴ്സ് സ്പെഷൽ സ്​കൂബ ടീം എത്തി തിരച്ചിൽ നടത്തി വൈകീട്ട്​ 4.30 ഓടെ മൃതദേഹം കണ്ടെത്തുകയായിരുന്നു.

ബിനുവും മാതാവും മാത്രമാണ് വീട്ടിൽ താമസമെന്ന്​ പൊലീസ് പറഞ്ഞു. പിതാവ്: പരേതനായ മുരളി. മാതാവ്: തുളസി. മൃതദേഹം കരുനാഗപ്പള്ളി താലൂക്കാശുപത്രി മോർച്ചറിയിൽ.