ജമ്മു കശ്മീരിൽ മരിച്ച സൈനികന് നാടിന്‍റെ അന്ത്യാഞ്ജലി

കു​ന്ന​ത്തൂ​ർ: ജ​മ്മു കശ്മീ​രി​ൽ ജോ​ലി​ക്കി​ടെ അ​പ​ക​ട​ത്തി​ൽ മ​രി​ച്ച കു​ന്ന​ത്തൂ​ർ സ്വ​ദേ​ശി​യാ​യ സൈ​നി​ക​ന് ജ​ന്മ​നാ​ടി​ന്റെ അ​ന്ത്യാ​ഞ്ജ​ലി. കു​ന്ന​ത്തൂ​ർ ര​ണ്ടാം വാ​ർ​ഡ് മാ​നാ​മ്പു​ഴ കോ​ളാ​റ്റ് വീ​ട്ടി​ൽ (ഗാ​യ​ത്രി) വി​ജ​യ​ൻ​കു​ട്ടി​യാ​ണ് (48) മ​രി​ച്ച​ത്. മ​ണ്ണു​മാ​ന്തി​യ​ന്ത്രം മ​റി​ഞ്ഞു​ണ്ടാ​യ അ​പ​ക​ട​ത്തി​ൽ മ​രി​ച്ചു​വെ​ന്നാ​ണ് ബ​ന്ധു​ക്ക​ൾ​ക്ക് ല​ഭി​ച്ച വി​വ​രം. മ​ഹോ​ർ ഗ​വ. ആ​ശു​പ​ത്രി​യി​ൽ പോ​സ്റ്റ്മോ​ർ​ട്ടം ന​ട​പ​ടി​ക​ൾ പൂ​ർ​ത്തി​യാ​ക്കി​യ ശേ​ഷം തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ ഞാ​യ​റാ​ഴ്ച രാ​ത്രി​യോ​ടെ എ​ത്തി​ച്ച മൃ​ത​ദേ​ഹം പാ​ങ്ങോ​ട് സൈ​നി​ക അ​ധി​കൃ​ത​ർ ഏ​റ്റു​വാ​ങ്ങി ബ​ന്ധു​ക്ക​ൾ​ക്ക് കൈ​മാ​റി. തു​ട​ർ​ന്ന് ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രു​ന്ന മൃ​ത​ദേ​ഹം തി​ങ്ക​ളാ​ഴ്ച രാ​വി​ലെ​യാ​ണ് ജ​ന്മ​നാ​ട്ടി​ലേ​ക്ക് കൊ​ണ്ടു​വ​ന്ന​ത്.

ശാ​സ്താം​കോ​ട്ട​യി​ൽ​നി​ന്ന് ഒ​മ്പ​തോ​ടെ വി​ലാ​പ​യാ​ത്ര​യാ​യി എ​ത്തി​ച്ച മൃ​ത​ദേ​ഹം ഒ​രു മ​ണി​ക്കൂ​റി​ല​ധി​കം വീ​ട്ടി​ൽ പൊ​തു​ദ​ർ​ശ​ന​ത്തി​നു​വെ​ച്ചു. ബ​ന്ധു​ക്ക​ളും നാ​ട്ടു​കാ​രും സു​ഹൃ​ത്തു​ക്ക​ളും സ​ഹ​പ്ര​വ​ർ​ത്ത​ക​രു​മ​ട​ക്കം നി​ര​വ​ധി​യാ​ളു​ക​ൾ അ​ന്തി​മോ​പ​ചാ​രം അ​ർ​പ്പി​ച്ചു. ജി​ല്ല ഭ​ര​ണ​കൂ​ട​ത്തി​നു വേ​ണ്ടി ക​ല​ക്ട​ർ ദേ​വീ​ദാ​സ് റീ​ത്ത് സ​മ​ർ​പ്പി​ച്ചു. കൊ​ടി​ക്കു​ന്നി​ൽ സു​രേ​ഷ് എം.​പി, കോ​വൂ​ർ കു​ഞ്ഞു​മോ​ൻ എം.​എ​ൽ.​എ, ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് പി.​കെ. ഗോ​പ​ൻ തു​ട​ങ്ങി നി​ര​വ​ധി​പേ​ർ വീ​ട്ടി​ലെ​ത്തി അ​ന്തി​മോ​പ​ചാ​രം അ​ർ​പ്പി​ച്ചു. തു​ട​ർ​ന്ന് 10.30ഓ​ടെ സൈ​നി​ക ബ​ഹു​മ​തി​ക​ളോ​ടെ​യാ​യി​രു​ന്നു സം​സ്കാ​രം. മ​ക്ക​ളാ​യ ര​മ്യ വി​ജ​യ​ൻ, ഭ​വ്യ വി​ജ​യ​ൻ എ​ന്നി​വ​ർ ചേ​ർ​ന്നാ​ണ് ചി​ത​യ്ക്ക് തീ ​കൊ​ളു​ത്തി​യ​ത്. 28 വ​ർ​ഷ​മാ​യി സൈ​നി​ക സേ​വ​നം അ​നു​ഷ്ഠി​ക്കു​ന്ന വി​ജ​യ​ൻ​കു​ട്ടി ഏ​പ്രി​ലി​ലാ​ണ് അ​വ​സാ​ന​മാ​യി നാ​ട്ടി​ലെ​ത്തി​യ​ത്. വീ​ടി​ന് സ​മീ​പ​മു​ള്ള തൃ​ക്ക​ണ്ണാ​പു​രം മ​ഹാ​ദേ​വ​ർ ക്ഷേ​ത്ര​ത്തി​ലെ ഉ​ത്സ​വം ക​ഴി​ഞ്ഞാ​ണ് ജോ​ലി സ്ഥ​ല​ത്തേ​ക്ക് തി​രി​കെ മ​ട​ങ്ങി​യ​ത്.