താഴാതെ തിരുവനന്തപുരം കൊല്ലം: ആരുടെ മുന്നിലും താഴത്തില്ല- 'പുഷ്പ' ഡയലോഗിനെ അനുസ്മരിപ്പിക്കുന്ന തകർപ്പൻ പ്രകടനങ്ങൾ വേദികളിൽ നിറച്ച് തിരുവനന്തപുരത്തിന്റെ ചുണക്കുട്ടികൾ ബഹുദൂരം മുന്നിൽ. രണ്ടാംദിനം മുതൽ തുടങ്ങിയ ആധിപത്യത്തിന് മൂന്നാം ദിവസവും ഇളക്കം തട്ടാതിരുന്നതോടെ ആദ്യ അഞ്ച് സ്ഥാനങ്ങളിൽ തിരുവനന്തപുരം കോളജുകൾ കസേര വലിച്ചിട്ടിരിപ്പാണ്. എന്തുവിലകൊടുത്തും കിരീടം തിരിച്ചുപിടിക്കുമെന്ന കട്ടായത്തിൽ ഒന്നാമത് മുന്നേറുന്ന മാർ ഇവാനിയോസിന് 40 ഇനങ്ങളിൽ ഫലം പ്രഖ്യാപിച്ചപ്പോൾ തന്നെ 92 പോയന്റായി. പിന്നാലെയുള്ള ശ്രീ സ്വാതി നിരുനാൾ സംഗീത കോളജിന് 66 പോയന്റുമുണ്ട്. മൂന്നാം സ്ഥാനത്തുള്ള ഗവ. വനിത കോളജിനും(53) ഇളക്കം തട്ടിയില്ല. ഞായറാഴ്ച നാലും അഞ്ചും സ്ഥാനങ്ങളിൽ നിന്ന ആതിഥേയർ കൂടിയായ കൊല്ലം എസ്.എൻ വനിത കോളജിനെയും എസ്.എൻ കോളജിനെയും മറികടന്ന് തിരുവനന്തപുരം യൂനിവേഴ്സിറ്റി കോളജും (50) കാര്യവട്ടം സി.എസ്.എസ് കോളജും(50) യാഥാക്രമം മുന്നേറി. 26 പോയന്റുള്ള കൊല്ലം എസ്.എൻ കോളജ് ആറാമതും 19 പോയന്റുമായി എസ്.എൻ വനിതകൾ ഏഴാമതുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.