കരുനാഗപ്പള്ളി: നീന്തൽ പരിശീലനത്തിന് സ്കൂളുകളുമായി സഹകരിച്ച് നൂതന പദ്ധതി ആവിഷ്കരിക്കുമെന്ന് എ.എം. ആരിഫ് എം.പി. കേരള യൂത്ത് പ്രമോഷൻ കൗൺസിൽ കൊല്ലം ജില്ല കോഓഡിനേഷൻ കമ്മിറ്റി എം.ജെ.വി മാളിൽ സംഘടിപ്പിച്ച നാല് ദിവസം നീളുന്ന മാമ്പഴക്കാലം അവധിക്കാല സർഗാത്മക ക്യാമ്പിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു. കേരള യൂത്ത് പ്രമോഷൻ കൗൺസിൽ ചെയർമാൻ സുമൻജിത്ത്മിഷ അധ്യക്ഷതവഹിച്ചു. ചടങ്ങിൽ കുട്ടികൾ തയാറാക്കിയ കൈയെഴുത്ത് പുസ്തകം മനോജ് അഴീക്കലിന് നൽകി എം.പി പ്രകാശനം ചെയ്തു. ബാലമിത്ര പുരസ്കാര ജേതാവ് ബിജു മാവേലിക്കര, കൗൺസിൽ സംസ്ഥാന വൈസ് ചെയർമാൻ അരുൺ ഭാരതീയൻ, നഗരസഭ കൗൺസിലർ എൽ. സിന്ധു, വനമിത്ര പുരസ്കാര ജേതാവ് ജി. മഞ്ജുകുട്ടൻ, ക്യാമ്പ് കോഓഡിനേറ്റർ ഗൗരി എസ്. കുമാർ, അനിൽ കിഴക്കടത്ത്, ആദിത്യ സന്തോഷ്, അനു നാരായണൻ, റാഫി പോച്ചയിൽ, സ്മിജിൻ ദത്ത്, അജ്മൽ എന്നിവർ സംസാരിച്ചു. ചിത്രo: കേരള യൂത്ത് പ്രമോഷൻ കൗൺസിൽ സംഘടിപ്പിച്ച മാമ്പഴക്കാലം അവധിക്കാല സർഗാത്മക ക്യാമ്പിന്റെ സമാപന സമ്മേളനം എ.എം. ആരിഫ് എം.പി ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.