റോഡിൽ വാഴ നട്ട് പ്രതിഷേധം

ചടയമംഗലം: കൊച്ചാലുംമൂട് - കുന്നുംപുറം കോളനി റോഡിന്‍റെ ശോച്യാവസ്ഥ പരിഹരിക്കണമെന്നാവശ്യപ്പെട്ട് നാട്ടുകാർ റോഡിൽ വാഴ നട്ട് പ്രതിഷേധിച്ചു. കൊച്ചാലുംമൂട്ടിൽ നിന്ന് കിഴുതോണി അംഗൻവാടി കോളനി റോഡ് വർഷങ്ങളായി സഞ്ചാരയോഗ്യമല്ലാതെ കിടക്കുകയാണ്. നൂറുകണക്കിന് വീടുകളും പട്ടികജാതി കോളനിയും അടക്കമുള്ള കുന്നുംപുറത്തേക്കുള്ള ഏക മാർഗമാണ് ഈ റോഡ്. പഞ്ചായത്ത്‌ അധികൃതർക്കും മറ്റും നാട്ടുകാർ നിരവധി തവണ പരാതിപ്പെട്ടിട്ടും റോഡിന്‍റെ ശോച്യനീയത പരിഹരിക്കാത്തതിലാണ് വാഴ നട്ട് പ്രതിഷേധിച്ചത്. സമരസമിതി രൂപവത്​കരിച്ച്​ കൂടുതൽ പ്രക്ഷോഭ നടപടികളിലേക്ക് നീങ്ങാനൊരുങ്ങുകയാണ് നാട്ടുകാർ.