ശാസ്താംകോട്ട: മുതുപിലാക്കാട് ഊക്കൻമുക്ക് സാരഥി സാംസ്കാരിക സമിതിയുടെ വാർഷികാഘോഷങ്ങളുടെ ഭാഗമായി നേത്രപരിശോധന നടത്തിയവർക്കുള്ള കണ്ണട വിതരണം, കലാകാരന്മാരെ ആദരിക്കൽ, ഭക്ഷ്യധാന്യക്കിറ്റ് വിതരണം എന്നിവ സംഘടിപ്പിച്ചു. പൊതുസമ്മേളനം ആർ.വൈ.എഫ് സംസ്ഥാന പ്രസിഡന്റ് ഉല്ലാസ് കോവൂർ ഉദ്ഘാടനം ചെയ്തു. ഷിബു മുതുപിലാക്കാട് അധ്യക്ഷത വഹിച്ചു. ജില്ല പഞ്ചായത്ത് സ്ഥിരം സമിതി അധ്യക്ഷൻ ഡോ.പി.കെ. ഗോപൻ കണ്ണട വിതരണം നടത്തി. രാജീവ് രാജധാനി കലാകാരന്മാരെ ആദരിച്ചു. ഗ്രാമപഞ്ചായത്തംഗങ്ങളായ ശ്രീനാഥ് ആർ. പിള്ള, ഉഷാകുമാരി എന്നിവർ ഭക്ഷ്യധാന്യ കിറ്റ് വിതരണം ചെയ്യ്തു. മണിക്കുട്ടൻ, അജയകുമാർ എന്നിവർ സംസാരിച്ചു. ശാസ്താംകോട്ടയിൽ വൈദ്യുതി മുടക്കം പതിവ് ശാസ്താംകോട്ട: കഴിഞ്ഞ ഏതാനും ദിവസങ്ങളിൽ വൈകുന്നേരങ്ങളിൽ ഉണ്ടാകുന്ന ശക്തമായ മഴയും കാറ്റിെനയും തുടർന്ന് മേഖലയിൽ വൈദ്യുതി മുടക്കം പതിവാകുന്നു. ചില സ്ഥലങ്ങളിൽ വൈദ്യുതി പോസ്റ്റുകളിലേക്കും ലൈൻ കമ്പികൾക്കും മുകളിലേക്ക് മരങ്ങൾ വീണാണ് വൈദ്യുതി തടസ്സപ്പെടുന്നത്. ഇത് പരിഹരിച്ചാലും പിന്നെയും വൈദ്യുതി മുടങ്ങാറുണ്ട്. വൈദ്യുതി മുടക്കം മണിക്കൂറുകളും ദിവസങ്ങൾ വരെയും നീളുന്ന സ്ഥിതിയാണെന്ന് നാട്ടുകാർ പരാതിപ്പെടുന്നു. ജനങ്ങളുടെ ദൈനംദിന പ്രവർത്തനങ്ങളെ വൈദ്യുതി മുടക്കം സാരമായി ബാധിക്കുന്നതിനാൽ വ്യാപകമായ പ്രതിഷേധമാണ് ഉയരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.