പൂയപ്പള്ളി മേഖലയിൽ തെരുവുനായ്ക്കൾ വളർത്തുമൃഗങ്ങളെ കൊല്ലുന്നു

ഓയൂർ: പൂയപ്പള്ളി പഞ്ചായത്തിലെ മൈലോട്, നെല്ലിപ്പറമ്പ് മേഖലകളിൽ തെരുവുനായ് ശല്യം. ഒരുമാസത്തിനുള്ളിൽ നെല്ലിപ്പറമ്പ് ക്ഷേത്രപരിസരത്തും വേലൻകോണം ഭാഗങ്ങളിൽ നിന്നും അഞ്ച് ആടുകളെയും അമ്പതോളം കോഴികളെയും കൊന്നുതിന്നു. കഴിഞ്ഞദിവസം നെല്ലിപ്പറമ്പ് ശ്രീകൃഷ്ണസ്വാമി ക്ഷേത്രത്തിന് സമീപത്ത്​ തള്ളയാടിനൊപ്പം നിന്ന 20 ദിവസം പ്രായമുള്ള ആട്ടിൻകുട്ടിയെ നായ്ക്കക്കൂട്ടം കൊന്നു. തെരുവുനായ് ശല്യം കാരണം കോഴികളെയോ ആടുമാടുകളെയോ വീടുകളിൽ വളർത്താൻ കഴിയാത്ത സാഹചര്യമാണ്.