ചിത്രം- ഓച്ചിറ: ക്ലാപ്പന ആയിരംതെങ്ങ് ജങ്ഷനിൽ തിങ്കളാഴ്ച രാത്രിയിലുണ്ടായ തീപിടിത്തത്തിൽ മൂന്നു കടകൾ കത്തിച്ചാമ്പലായി. ക്ലാപ്പന പ്രയാർ തെക്ക് മധുര പള്ളിൽ ബാബുവിൻെറ ബേക്കറി, പ്രയാർ തെക്ക് കുനേത്ത് പ്രസാദിൻെറ പെയിൻറ് കട, മത്സ്യബന്ധന ഉപകരണങ്ങൾ വിൽക്കുന്ന കട എന്നിവയാണ് അഗ്നിക്കിരയായത്. കോടിക്കണക്കിന് രൂപയുടെ നഷ്ടം സംഭവിച്ചിട്ടുണ്ട്. നാട്ടുകാരും കരുനാഗപ്പള്ളി കായംകുളം എന്നിവിടങ്ങളിൽ നിന്നെത്തിയ അഗ്നിരക്ഷാ സേനയും ചേർന്നാണ് തീ അണച്ചത്. മത്സ്യബന്ധന വലകൾ മറ്റ് ഉപകരണങ്ങൾ, പെയിൻറുകൾ എല്ലാം കത്തിയമർന്നു. സമീപത്തെ സി.സി.ടി.വി ദൃശ്യങ്ങൾ പൊലീസ് പരിശോധിക്കുകയാണ്. ശക്തമായ അന്വേഷണം നടത്തണമെന്ന് സി.ആർ. മഹേഷ് എം.എൽ.എ ആവശ്യപ്പെട്ടു. ഓച്ചിറ പൊലീസ് അന്വേഷണം തുടങ്ങി. െഗസ്റ്റ് അധ്യാപക ഒഴിവ് കൊല്ലം: ടി.കെ.എം എൻജിനീയറിങ് കോളജിൽ സിവിൽ, മെക്കാനിക്കൽ, ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് ആൻഡ് കമ്യൂണിക്കേഷൻ, കമ്പ്യൂട്ടർ സയൻസ് ആൻഡ് എൻജിനീയറിങ്, കെമിക്കൽ, ആർക്കിടെക്ചർ, എം.സി.എ, ഫിസിക്സ്, കെമിസ്ട്രി, കമ്യൂണിക്കേറ്റിവ് ഇംഗ്ലീഷ്, എം.ടെക്. (ആർട്ടിഫിഷ്യൽ ഇൻറലിജൻസ്) എന്നീ വിഭാഗങ്ങളിലേക്ക് െഗസ്റ്റ് അധ്യാപകരുടെ നിയമനത്തിന് ഓൺലൈനായി അപേക്ഷ ക്ഷണിച്ചു. അപേക്ഷിക്കാനുള്ള ലിങ്ക് www.tkmce.ac.in എന്ന കോളജ് വെബ്സൈറ്റിൽ ഏഴിന് ൈവകീട്ട് അഞ്ചു വരെ ലഭ്യമാണ്. അപേക്ഷകൾ ഓൺലൈനായി മാത്രമേ സ്വീകരിക്കുകയുള്ളൂ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.