അലയമൺ പഞ്ചായത്തിലെ ഗോതമ്പ് റോഡ് തകർന്നു

അഞ്ചൽ: അലയമൺ പഞ്ചായത്തിലെ കുറവന്തേരി-ഗോതമ്പ് റോഡ് തകർന്നു, യാത്രക്കാർ ദുരിതത്തിൽ. ഇതുവഴിയുള്ള കുടിവെള്ള വിതരണക്കുഴൽ പൊട്ടിയാണ് റോഡ് സഞ്ചാരയോഗ്യമല്ലാതായത്. ടാറിങ്ങോ കോൺക്രീറ്റോ ചെയ്തിട്ടില്ലാത്ത ചെമ്മൺ റോഡായതിനാൽ വെള്ളമൊഴുകി കുഴിയായതിനാൽ ഇതുവഴിയുള്ള കാൽനടയും ഇരുചക്ര-മുച്ചക്ര വാഹനയാത്രയും ഏറെ പ്രയാസകരമാണ്. ഇതുവഴി ഓട്ടം പോകാൻ ഓട്ടോ ഡ്രൈവർമാർ തയാറാകുന്നില്ലെന്നും പരാതിയുണ്ട്. ഒരു മാസത്തോളമായി ഇതാണ് സ്ഥിതിയെന്നും ജനപ്രതിനിധികളോടും വാട്ടർ അതോറിറ്റി ഉദ്യോഗസ്ഥരോടും വിവരമറിയിച്ചിരുന്നെങ്കിലും നടപടി ഉണ്ടായില്ലെന്നും നാട്ടുകാർ ആരോപിക്കുന്നു. ചിത്രം. ഗതാഗതയോഗ്യമല്ലാതായ അലയമൺ കുറവന്തേരി ഗോതമ്പ് റോഡ്