ശാസ്താംകോട്ട: ഓട്ടോറിക്ഷ ഫെയർ മീറ്റർ, അളവുതൂക്ക ഉപകരണങ്ങൾ എന്നിവയുടെ കൃത്യത ഉറപ്പാക്കി മുദ്ര പതിക്കുന്ന ക്യാമ്പ് ഭരണിക്കാവ് ലീഗൽ മെട്രോളജി ഓഫിസിൽ 28, 29 തീയതികളിൽ രാവിലെ 10 മുതൽ വൈകീട്ട് നാലു വരെ നടത്തും. കുന്നത്തൂർ താലൂക്കിലെ ലീഗൽ മെട്രോളജി വകുപ്പിൻെറ അധികാരപരിധിയിലുള്ള കുളക്കട, മൈലം, പവിത്രേശ്വരം, പേരയം, പോരുവഴി, കിഴക്കേകല്ലട, പടിഞ്ഞാറെ കല്ലട, മൺറോതുരുത്ത്, ശാസ്താംകോട്ട, കുന്നത്തൂർ, ശൂരനാട് വടക്ക്, ശൂരനാട് തെക്ക്, മൈനാഗപ്പള്ളി പഞ്ചായത്തുകളിലെ ഈ മാസം കാലാവധി അവസാനിക്കുന്നതും കഴിഞ്ഞവർഷം കോവിഡ് ഇളവോടുകൂടി മുദ്ര പതിച്ചതുമായ 2022 ബി ക്വാർട്ടർ ഫെയർമീറ്ററുകളും അളവുതൂക്ക ഉപകരണങ്ങളുമാണ് ക്യാമ്പിൽ മുദ്ര പതിപ്പിക്കുക. വിവരങ്ങൾക്ക് 8281698024. അറിവരങ്ങ് ശാസ്താംകോട്ട: ഇടവനശ്ശേരി കവിത ഗ്രന്ഥശാലയുടെ ആഭിമുഖ്യത്തിൽ അറിവരങ്ങ് നടത്തി. ഇടവനശ്ശേരി ഐ.സി.എസ് എൽ.പി. എസിലെ വിദ്യാർഥികളുടെ ഗ്രന്ഥശാല സന്ദർശനത്തോടനുബന്ധിച്ചാണ് പരിപാടി സംഘടിപ്പിച്ചത്. താലൂക്ക് ലൈബ്രറി കൗൺസിൽ എക്സിക്യൂട്ടിവ് അംഗം മനു വി. കുറുപ്പ് ഉദ്ഘാടനം ചെയ്തു. പ്രധാനാധ്യാപിക ഗീത അധ്യക്ഷത വഹിച്ചു. കുട്ടികൾക്കുള്ള പുസ്തകസഞ്ചി രക്ഷാധികാരി എം. അലിയാരുകുഞ്ഞ്, അധ്യാപകൻ ഷബിൻ കബീറിന് കൈമാറി. ഗ്രന്ഥശാല പ്രസിഡന്റ് ആർ. മദനമോഹനൻ 'പാടാം പഠിക്കാം' എന്ന ക്ലാസ് നയിച്ചു. എച്ച്. ഷാജി, ആർ. സോമൻ പിള്ള, നജീം ഞാറക്കാട്ടിൽ, വി. അജയകുമാർ, എസ്. ശിവൻകുട്ടി, വിജയലക്ഷ്മി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.