കരുനാഗപ്പള്ളി: എൻ.കെ. പ്രേമചന്ദ്രൻ എം.പി ഉൾപ്പെടെ ആർ.എസ്.പി പ്രവർത്തകരെ പൊലീസ് മർദിച്ചതിൽ പ്രതിഷേധിച്ച് യു.ഡി.എഫ് കുലശേഖരപുരം മണ്ഡലം കമ്മിറ്റിയുടെ നേതൃത്വത്തിൽ പ്രകടനം നടത്തി. പുതിയകാവിൽനിന്നും ആരംഭിച്ച മാർച്ച് ബ്ലോക്ക് കോൺഗ്രസ് കമ്മിറ്റി പ്രസിഡന്റ് നീലികുളം സദാനന്ദൻ ഉദ്ഘാടനം ചെയ്തു. യു.ഡി.എഫ് മണ്ഡലം ചെയർമാൻ കെ.എൻ. പത്മനാഭപിള്ള അധ്യക്ഷതവഹിച്ചു. മണ്ഡലം പ്രസിഡൻറുമാരായ അശോകൻ കുറുങ്ങപ്പള്ളി, കെ.എം. നൗഷാദ്, ആർ.എസ്.പി ഭാരവാഹി കെ.ജി. പ്രസേനൻ, കെ.എസ് പുരം സുധീർ, ഗ്രാമപഞ്ചായത്ത് അംഗം ദീപക് എസ് .ശിവദാസ് എന്നിവർ സംസാരിച്ചു. പ്രകടനത്തിന് ശിവാനന്ദൻ, പെരുമാനൂർ രാധാകൃഷ്ണൻ, അരുൺ, കൃഷ്ണപിള്ള, നെബുകുമാർ, ചന്ദ്രൻ, ജയകുമാർ, ശ്രീജിത്ത്, ലാലാഗിരിജകുമാരി എന്നിവർ നേതൃത്വം നൽകി. ചിത്രം: യു.ഡി.എഫ് കുലശേഖരപുരം മണ്ഡലം കമ്മിറ്റി പുതിയകാവിൽ സംഘടിപ്പിച്ച പ്രതിഷേധം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.