നീറ്റ് പി.ജി പരീക്ഷയിൽ രണ്ടാം റാങ്ക് നേടിയ ഡോ. സഅദ സുലൈമാനെ ഷാർജ തൃക്കരിപ്പൂർ മണ്ഡലം കെ.എം.സി.സി ആദരിച്ചപ്പോൾ
തൃക്കരിപ്പൂർ: നീറ്റ് പി.ജി പരീക്ഷയിൽ എം.ഡി.എസ് വിഭാഗത്തിൽ രണ്ടാം റാങ്ക് നേടിയ ഡോ. സഅദ സുലൈമാനെ ഷാർജ തൃക്കരിപ്പൂർ കെ.എം.സി.സി കമ്മിറ്റി ഉപഹാരം നൽകി അനുമോദിച്ചു. എയിംസ് എൻട്രൻസ് പരീക്ഷയിൽ 35ാം റാങ്കും എയിംസ് ഒ.ബി.സി കാറ്റഗറിയിൽ പത്താം റാങ്കും നേടിയ ഡോ. സഅദ തൃക്കരിപ്പൂർ സ്വദേശിയാണ്.
2018 കണ്ണൂർ മെഡിക്കൽ കോളജിൽനിന്നാണ് ബി.ഡി.എസ് പഠനം പൂർത്തിയാക്കിയത്. തൃക്കരിപ്പൂർ വടക്കുമ്പാട്ടെ വി.പി.എം.സുലൈമാൻ-റാബിയ ദമ്പതിമാരുടെ മകളാണ്. ഭർത്താവ്: ടി.സി. അഹമ്മദലി ഹുദവി.
ചടങ്ങിൽ വർക്കിങ് പ്രസിഡൻറ് എം.ടി.പി. ജമാൽ ചന്തേര, ജനറൽ സെക്രട്ടറി വി.പി.എം. മുഹമ്മദ് മണിയനോടി, ട്രഷറർ പി.കെ. അഷ്‌റഫ് മൗക്കോട്, വൈസ് പ്രസിഡൻറ് ടി.കെ.എം. താജുദ്ദീൻ, സെക്രട്ടറിമാരായ യു. മുഹമ്മദ് അലി മാവിലാടം, എ.ജി. കുഞ്ഞബ്ദുല്ല, എൻ. ഹസൻ വടക്കുമ്പാട് എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.