നീ​ലേ​ശ്വ​രം ആ​ന​ച്ചാ​ലി​ൽ കെ.​കെ ട്രേ​ഡേ​ഴ്സി​ൽ ന​ട​ന്ന മോ​ഷ​ണ​ത്തി​​ന്റെ സി.​സി.​ടി.​വി ദൃ​ശ്യം

പൂട്ട്​ പൊളിക്കാനായില്ല; ട്യൂബ്​ലൈറ്റ്​ പിഴുതെടുത്ത​പ്പോൾ​ മോഷ്​ടാവിനൊരു 'സുഖം'

നീ​ലേ​ശ്വ​രം: ദേ​ശീ​യ​പാ​ത കോ​ട്ട​പ്പു​റം റോ​ഡ് ജ​ങ്​​ഷ​നു സ​മീ​പം ആ​ന​ച്ചാ​ലി​ൽ ക​ട​യി​ൽ മോ​ഷ​ണ​ശ്ര​മം. കെ.​പി. ജ​മാ​ലി​ന്റെ ഉ​ട​മ​സ്ഥ​ത​യി​ലു​ള്ള കെ.​കെ ട്രേ​ഡേ​ഴ്സ് ഇ​ല​ക്ട്രി​ക്ക​ൽ ഹാ​ർ​ഡ് വേ​ഴ്സ് ക​ട​യി​ലാ​ണ് ഞാ​യ​റാ​ഴ്ച പു​ല​ർ​ച്ചെ മോ​ഷ​ണ​ശ്ര​മം ന​ട​ന്ന​ത്.

ചു​വ​ന്ന കാ​റി​ൽ എ​ത്തി​യ മോ​ഷ്ടാ​വി​ന്​ ക​ട​യു​ടെ പൂ​ട്ട് പൊ​ളി​ക്കാ​ൻ സാ​ധി​ച്ചി​ല്ല. അ​തു​കൊ​ണ്ടു​ത​ന്നെ സാ​ധ​ന​ങ്ങ​ളൊ​ന്നും ന​ഷ്ട​പ്പെ​ട്ടി​ല്ല. എ​ന്നാ​ൽ, തി​രി​ച്ചു​പോ​കു​മ്പോ​ൾ മോ​ഷ്ടാ​വ് ക​ട​യു​ടെ പു​റ​ത്ത് ഘ​ടി​പ്പി​ച്ചി​രു​ന്ന ട്യൂ​ബ്​​ലൈ​റ്റ്​ സെ​റ്റ് പി​ഴു​തെ​ടു​ത്ത് കൊ​ണ്ടു​പോ​യി ആ​ശ്വാ​സം ക​ണ്ടെ​ത്തു​ക​യാ​യി​രു​ന്നു.

ഇ​തി​ന്റെ ദൃ​ശ്യ​ങ്ങ​ൾ ക​ട​യി​ൽ സ്ഥാ​പി​ച്ച സി.​സി.​ടി.​വി കാ​മ​റ​യി​ൽ പ​തി​ഞ്ഞി​ട്ടു​ണ്ട്. ക​ട​യു​ട​മ നീ​ലേ​ശ്വ​രം പൊ​ലീ​സി​ൽ പ​രാ​തി ന​ൽ​കി. കാ​മ​റ​യി​ൽ പ​തി​ഞ്ഞ മോ​ഷ്ടാ​വി​നെ ക​ണ്ടെ​ത്താ​ൻ പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.


Tags:    
News Summary - neeleswaram theft attempt

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.