പിടിയിലായ പ്രതികൾ
നീലേശ്വരം: ലക്ഷങ്ങൾ വിലവരുന്ന പാൻമസാല ശേഖരം പിടികൂടി. നീലേശ്വരം പൊലീസ് ഇൻസ്പെക്ടർ കെ. പ്രേംസദനും സംഘവുമാണ് ഇവ പിടികൂടിയത്. കർണാടകയിൽനിന്ന് കേരളത്തിലേക്ക് കൊണ്ടുവരുകയായിരുന്ന 26,865 പാക്കറ്റ് പാൻമസാലയാണ് കാറിൽനിന്ന് പിടിച്ചെടുത്തത്.
പിടികൂടിയ പാൻമസാല
കാസർകോട് ചെട്ടംകുഴി സ്വദേശികളായ മുഹമ്മദ് അസുറുദ്ദീൻ (27), നാസിം (29) എന്നിവരെ അറസ്റ്റ് ചെയ്തു. ജില്ല പൊലീസ് മേധാവി ഡോ. വൈഭവ് സക്സേന നടത്തിവരുന്ന ഓപറേഷൻ ക്ലീൻ കാസർകോടിന്റെ ഭാഗമായി രഹസ്യ വിവരത്തിന്റെ അടിസ്ഥാനത്തിൽ വാഹന പരിശോധന നടത്തുന്ന സമയത്ത് മാർക്കറ്റ് ജങ്ഷനിൽ നിർത്താതെ പോയ കാർ പിന്തുടർന്ന് പള്ളിക്കരയിൽ തടഞ്ഞുനിർത്തി പരിശോധിച്ചപ്പോഴാണ് പാൻ മസാലകൾ കണ്ടെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.