കാസർകോട്ടേക്ക് കടത്തുകയായിരുന്ന മദ്യം പിടികൂടി

കുമ്പള: മംഗളൂരുവിൽനിന്ന് കാസർകോട്ടേക്ക് കടത്തുകയായിരുന്ന 250 ലിറ്റർ മദ്യം ഉള്ളാൾ പൊലീസ് പിടികൂടി.ബന്തിയോട് സ്വദേശികളായ രണ്ടുപേരെ അറസ്​റ്റ്​ ചെയ്തു. റെജിൻ (23), ധീരജ് (21) എന്നിവരാണ് അറസ്​റ്റിലായത്.തൊക്കോട്ടു​െവച്ച് ഉള്ളാൾ പൊലീസ് വാഹന പരിശോധന നടത്തുന്നതിനിടെയാണ് ഇവർ അറസ്​റ്റിലാവുന്നത്.

മദ്യക്കടത്തിന്​ ഉപയോഗിച്ച കാർ പൊലീസ് കസ്​റ്റഡിയിലെടുത്തു. ഈയിടെയായി ബന്തിയോട്, അടുക്ക, ഇച്ചിലങ്കോട് പ്രദേശങ്ങൾ കേന്ദ്രീകരിച്ച് വൻതോതിൽ അനധികൃത മദ്യവിൽപന നടക്കുന്നതായി സൂചന ലഭിക്കുകയും ഒന്നിൽ കൂടുതൽ പ്രാവശ്യം മദ്യം പിടികൂടുകയും ചെയ്തിരുന്നു.