Posted On
date_range Updated On
date_range കുമ്പളയിൽ മയക്കുമരുന്ന് വേട്ട; എം.ഡി.എം.എയുമായി യുവാവ് പിടിയിൽ
കുമ്പള: അനധികൃത വിൽപനക്കായി സ്കൂട്ടറിൽ കടത്തുകയായിരുന്ന മാരക മയക്കുമരുന്നായ എം.ഡി.എം.എയുമായി യുവാവിനെ കുമ്പള പൊലീസ് അറസ്റ്റ് ചെയ്തു. അരിക്കാടി എൻ.എച്ച് 17 റോഡിൽ ഹനുമാൻ ക്ഷേത്രത്തിനു സമീപമുള്ള ന്യൂ ബദരിയ ഹൗസിൽ ഇബ്രാഹിമിന്റെ മകൻ അബ്ദുൽ സഹദാഫ് ഐ (33) ആണ് പൊലീസിന്റെ പിടിയിലായത്.
കട്ടത്തടുക്ക വികാസ് നഗറിലെ ഡീലക്സ് അപ്പാർട്മെന്റിലാണ് ഇയാൾ താമസിക്കുന്നത്. ശനിയാഴ്ച ഉച്ചക്ക് 2.30ഓടെ പുത്തിഗെ ഗ്രാമത്തിലെ വികാസ് നഗറിൽ വെച്ചാണ് കുമ്പള എസ്.ഐ സനീതിന്റെ നേതൃത്വത്തിലെ പൊലീസ് സംഘം പ്രതിയെ പിടികൂടിയത്. സ്കൂട്ടിയിൽ രഹസ്യമായി കടത്തുകയായിരുന്ന 6.46 ഗ്രാം എം.ഡി.എം.എ ഇയാളിൽനിന്നും കണ്ടെടുത്തു. അറസ്റ്റ് രേഖപ്പെടുത്തിയ പ്രതിയിൽനിന്ന് മയക്കുമരുന്നും കടത്താൻ ഉപയോഗിച്ച വാഹനവും പൊലീസ് കസ്റ്റഡിയിലെടുത്തു. സംഭവത്തിൽ കുമ്പള പൊലീസ് കേസ് രജിസ്റ്റർചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.