ചേറ്റുകുണ്ട് കടപ്പുറത്ത് കരക്കടിഞ്ഞ മത്തി
കാഞ്ഞങ്ങാട്: ചിത്താരി ചേറ്റുകുണ്ട് കടപ്പുറത്ത് മത്തിച്ചാകര. ഒഴുകിയെത്തി കരക്കടിഞ്ഞത് ലോഡുകണക്കിന് മത്തിയാണ്. ശനിയാഴ്ച ഉച്ചക്കുശേഷമാണ് പ്രതിഭാസം. കിലോമീറ്ററോളം മത്തി കൊട്ടക്കണക്കിനായി കരക്കടിഞ്ഞു. കടൽതീരത്ത് മത്സ്യം കുമിഞ്ഞുകൂടിയതോടെ അറിഞ്ഞവർ ഓടിയെത്തി വാരിക്കൂട്ടി.
ഓരോ തിരകൾ അടിച്ചുകയറുമ്പോഴും മത്തിക്കൂമ്പാരമാവുകയായിരുന്നു. ഇടക്ക് ഇത്തരം പ്രതിഭാസങ്ങൾ കണ്ടുവരുന്നുണ്ടെങ്കിലും മുമ്പൊങ്ങുമില്ലാത്തവിധം കൂടുതലായാണ് മത്തി കരക്കടിഞ്ഞത്. കഴിഞ്ഞയാഴ്ച കാഞ്ഞങ്ങാട് കടപ്പുറം, മീനാപ്പീസ് ഭാഗങ്ങളിൽ മത്തി കരക്കടിഞ്ഞിരുന്നുവെങ്കിലും ഇത്രത്തോളം ഉണ്ടായിരുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.