കാസർകോട്: പോപുലര് ഫ്രണ്ട് ഓഫ് ഇന്ത്യ രൂപവത്കരണ ദിനമായ ഫെബ്രുവരി 17ന് ദേശവ്യാപകമായി പോപുലര് ഫ്രണ്ട് ഡേ ആചരിക്കുന്നതിൻെറ ഭാഗമായി ബുധനാഴ്ച ബദിയടുക്കയിൽ യൂനിറ്റി മാര്ച്ചും ബഹുജന റാലിയും പൊതുസമ്മേളനവും സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. മാർച്ചിൻെറ ഒരുക്കങ്ങൾ പൂർത്തിയായതായും ഭാരവാഹികൾ പറഞ്ഞു. യൂനിറ്റി മാർച്ച് അന്നേദിവസം വൈകീട്ട് 4.30ന് ബദിയടുക്ക അപ്പർ ബസാറിൽനിന്നും ആരംഭിച്ച് ബസ്സ്റ്റാൻഡ് വഴി പെർള റോഡിലുള്ള ഗ്രൗണ്ടിൽ സമാപിക്കും. യൂനിറ്റി മാർച്ചിനെ അനുഗമിച്ചു ബഹുജന റാലി നടക്കും. തുടർന്ന് പൊതുസമ്മേളനം 'ശഹീദ് ആലി മുസ്ലിയാർ' നഗറിൽ സംസ്ഥാന സമിതി അംഗം ബി. നൗഷാദ് ഉദ്ഘാടനം ചെയ്യും. ഒാൾ ഇന്ത്യ ഇമാംസ് കൗൺസിൽ സംസ്ഥാന സെക്രട്ടറി ഹാഫിസ് അഫ്സൽ ഖാസിമി മുഖ്യപ്രഭാഷണം നടത്തും. വാർത്തസമ്മേളനത്തിൽ പോപുലർ ഫ്രണ്ട് ജില്ല പ്രസിഡൻറ് സി.ടി. സുലൈമാൻ മാസ്റ്റർ, ജില്ല സെക്രട്ടറി ടി.കെ. ഹാരിസ്, സ്വാഗതസംഘം ചെയർമാൻ വൈ. മുഹമ്മദ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.