കാസര്‍കോട്: സങ്കര വൈദ്യത്തിലൂടെ ആയുര്‍വേദ പി.ജി വിദ്യാര്‍ഥികള്‍ക്ക് അറുപതോളം ശസ്ത്രക്രിയയില്‍ പരിശീലനം നല്‍കാനും സ്വതന്ത്രമായി ചികിത്സിക്കാനുമുള്ള അവകാശം നല്‍കാനുള്ള തീരുമാനത്തില്‍നിന്ന് ഇന്ത്യന്‍ കൗണ്‍സില്‍ ഓഫ് മെഡിസിന്‍ പിന്‍വാങ്ങണമെന്നാവശ്യപ്പെട്ട് ഐ.എം.എ കാസര്‍കോട് പുതിയ ബസ് സ്റ്റാൻഡ് പരിസരത്ത് നിരാഹാര സമരം നടത്തി. ജില്ല കമ്മിറ്റിയുടെ നേതൃത്വത്തില്‍ കാസര്‍കോട്, കാഞ്ഞങ്ങാട്, ഉപ്പള ബ്രാഞ്ചുകളുടെ ആഭിമുഖ്യത്തില്‍ നടന്ന സമരം സംസ്ഥാന പ്രസിഡൻറ് ഡോ. പി.ടി. സക്കറിയ ഓണ്‍ലൈനായി ഉദ്ഘാടനം ചെയ്തു. സംസ്ഥാന സെക്രട്ടറി ഡോ. ഗോപികുമാര്‍, ഡോ. മുരളി, ഡോ. അജിത് ഭാസ്‌കര്‍, ഡോ. ലളിത് സുന്ദര്‍, ഡോ. പവന്‍ എന്നിവർ സംസാരിച്ചു. ഐ.എം.എ അംഗങ്ങളുള്‍പ്പെടെ സമരപ്പന്തല്‍ സന്ദര്‍ശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.