ഷഹബാസ്, ഷിജിനാസ്, പ്രജിത
പയ്യന്നൂര്: കാറിൽ കടത്തുകയായിരുന്ന എം.ഡി.എം.എയുമായി യുവതി ഉൾപ്പെടെ മൂന്നുപേർ പിടിയിൽ. കുഞ്ഞിമംഗലം എടാട്ട് തുരുത്തി റോഡിലെ പി. പ്രജിത (29), എടാട്ടെ കെ.പി. ഷിജിനാസ് (34), പയ്യന്നൂരിൽ വിൽപനക്കായി എം.ഡി.എം.എ എത്തിച്ച പെരുമ്പ കോറോം റോഡിലെ പി. ഷഹബാസ് (30) എന്നിവരെയാണ് ഇൻസ്പെക്ടർ കെ.പി. ശ്രീഹരിയുടെ നേതൃത്വത്തിൽ അറസ്റ്റ് ചെയ്തത്. പയ്യന്നൂർ ഡിവൈ.എസ്.പി. കെ. വിനോദ് കുമാറിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിൽ ബുധനാഴ്ച പുലര്ച്ചെ 2.45 ഓടെ ദേശീയപാതയിൽ എടാട്ട് പയ്യന്നൂര് കോളജ് സ്റ്റോപ്പിന് സമീപമാണ് കാറിൽ കടത്തുകയായിരുന്ന 10.265 ഗ്രാം എം.ഡി.എം.എയുമായി പ്രതികളെ പിടികൂടിയത്.
പ്ലാസ്റ്റിക് കവറില് സൂക്ഷിച്ച നിലയിലാണ് എം.ഡി.എം.എ കണ്ടെത്തിയത്. തൃശൂരുള്ള ഷെഫീഖ് എന്നയാളില്നിന്നാണ് എം.ഡി.എം.എ വാങ്ങിയതെന്ന് പ്രതികള് പൊലീസിന് മൊഴി നൽകി. കാറില്നിന്ന് ലഹരി ഉപയോഗത്തിനുള്ള ട്യൂബും ഡിജിറ്റല് ത്രാസും പൊലീസ് കണ്ടെടുത്തു. കാര് പൊലീസ് കസ്റ്റഡിയിലെടുത്തു. എസ്.ഐമാരായ പി. യദുകൃഷ്ണൻ, കെ. ഹേമന്ത് കുമാർ എന്നിവരും പൊലീസ് സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.