പൊലീസ് ജീപ്പ് നിയന്ത്രണം വിട്ട് പെട്രോൾ പമ്പിലേക്ക് ഇടിച്ചുകയറി

ക​ണ്ണൂ​ർ: കാ​ൽടെ​ക്സ് ജ​ങ്ഷ​നി​ലെ പെ​ട്രോ​ൾ പ​മ്പി​ലേ​ക്ക് നി​യ​ന്ത്ര​ണം​വി​ട്ട് പൊ​ലീ​സ് ജീ​പ്പ് ഇ​ടി​ച്ചു​ക​യ​റി. പെ​ട്രോ​ൾ അ​ടി​ച്ചു​കൊ​ണ്ടി​രു​ന്ന കാ​റി​ൽ ഇ​ടി​ച്ച ജീ​പ്പ് പ​മ്പി​ലെ ഇ​ന്ധ​നം നി​റ​ക്കു​ന്ന ​മെ​ഷീ​നും ത​ക​ർ​ത്തു.കാ​റി​ന് കേ​ടു​പാ​ടു​ണ്ടെ​ങ്കി​ലും വാ​ഹ​ന​ത്തി​ലു​ണ്ടാ​യി​രു​ന്ന​വ​രും പ​മ്പി​ലെ ജീ​വ​ന​ക്കാ​രും അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. തി​ങ്ക​ളാ​ഴ്ച രാ​വി​ലെ 6.45 ഓ​ടെ​യാ​യി​രു​ന്നു അ​പ​ക​ടം. ക​ണ്ണൂ​ർ എ.​ആ​ർ ക്യാ​മ്പി​​ലെ ജീ​പ്പാ​ണ് ജോ​യന്റ് പൊ​ട്ടി നി​യ​ന്ത്ര​ണം​വി​ട്ട് പ​മ്പി​ലേ​ക്ക് ക​യ​റി​യ​ത്. ക​ല​ക്ട​റേ​റ്റി​ന് മു​ൻ​വ​ശ​ത്ത് ​പൊ​ലീ​സ് സ്ഥാ​പി​ച്ച ഡി​വൈ​ഡ​റി​ലി​ടി​ച്ച ശേ​ഷ​മാ​ണ് 200 മീ​റ്റ​ർ ദൂ​രെ​യു​ള്ള പ​മ്പി​ലേ​ക്ക് ഇ​ടി​ച്ചു​ക​യ​റി​യ​ത്. ത​ക​ർ​ന്ന ഡി​വൈ​ഡ​ർ റോ​ഡി​ലൂ​ടെ അ​ൽ​പ​ദൂ​രം നി​ര​ക്കി​യാ​ണ് ജീ​പ്പ് പ​മ്പി​ൽ ക​യ​റി​യ​ത്.

ഡി​വൈ​ഡ​റി​ലി​ടി​ക്കു​ന്ന ശ​ബ്ദം കേ​ട്ട് ഓ​ടി​മാ​റി​യ​തി​നാ​ലാ​ണ് ര​ക്ഷ​പ്പെ​ട്ട​തെ​ന്ന് പ​മ്പി​ലെ ജീ​വ​ന​ക്കാ​ര​ൻ വി​പി​ൻ പ​റ​ഞ്ഞു. ഇ​ന്ധ​നം നി​റ​ക്കു​ന്ന മെ​ഷീ​ൻ ത​ക​ർ​ന്നെ​ങ്കി​ലും പെ​ട്രോ​ൾ ചോ​ർ​ച്ച​യി​ല്ലാ​ത്ത​തും അ​പ​ക​ട​​മൊ​ഴി​വാ​യി. ഉ​ട​നെ സ്ഥ​ല​ത്തെ​ത്തി​യ അ​ഗ്നി​ര​ക്ഷ സേ​ന ഇ​ടി​ച്ച വാ​ഹ​ന​ങ്ങ​ൾ മാ​റ്റി​യ ശേ​ഷ​മാ​ണ് സ്ഥ​ല​ത്തു​നി​ന്ന് പോ​യ​ത്. എ.​ആ​ർ ക്യാ​മ്പി​ലെ ഭ​ക്ഷ​ണ​ശാ​ല​യി​ലേ​ക്ക് മാ​ർ​ക്ക​റ്റി​ൽ​നി​ന്ന് സാ​ധ​ന​ങ്ങ​ൾ വാ​ങ്ങി മ​ട​ങ്ങു​​മ്പോ​ഴാ​ണ് ജീ​പ്പ് അ​പ​ക​ട​ത്തി​ൽ​പെ​ട്ട​ത്.

അപകടമുണ്ടാക്കിയ ജീപ്പ് തുരുമ്പുപിടിച്ച നിലയിലായിരുന്നു. മോട്ടോർ വാഹന വകുപ്പും സംഭവം അന്വേഷിക്കുന്നുണ്ട്. അപകടത്തില്‍പ്പെട്ടപ്പോള്‍ തന്നെ ജീപ്പില്‍ ഉണ്ടായിരുന്നവര്‍ സ്ഥലം വിട്ടതായി പമ്പ് ജീവനക്കാര്‍ പറഞ്ഞു.