പ്രതി നൗഷാദ്
തലശ്ശേരി: സ്കൂൾ ശുചിമുറിയിൽ മൊബൈൽ കാമറ ഓൺചെയ്തുവെച്ച അധ്യാപകൻ അറസ്റ്റിൽ. പിണറായിയിലാണ് സംഭവം. വടകര കോട്ടപ്പള്ളി സ്വദേശി നൗഷാദിനെ(36)യാണ് ധർമടം സർക്കിൾ ഇൻസ്പെക്ടർ ടി.പി. സുമേഷി‍െൻറ നേതൃത്വത്തിലുള്ള പൊലീസ് അറസ്റ്റ് ചെയ്തത്.സ്കൂളിലെ ശുചിമുറിയിൽ കാമറ കണ്ടെത്തിയ വിദ്യാർഥിനിയാണ് വിവരം അധ്യാപകരെ അറിയിച്ചത്.
പ്രധാനാധ്യാപിക വിവരമറിയിച്ചതിനെ തുടർന്ന് സ്കൂളിലെത്തിയ പിണറായി എസ്.ഐ വിനോദ് കുമാറും പാർട്ടിയും ഫോൺ പരിശോധിച്ച ശേഷം അധ്യാപകനെ അറസ്റ്റ് ചെയ്യുകയായിരുന്നു. ഫോൺ നൗഷാദിേൻറതാണെന്ന് അന്വേഷണത്തിൽ തിരിച്ചറിഞ്ഞു. ഇയാൾക്കെതിരെ പോക്സോ ചുമത്തിയാണ് കേസെടുത്തിട്ടുള്ളത്.
പിണറായിയിലെ യു.പി സ്കൂളിൽ അറബി താൽകാലിക അധ്യാപകനാണ് നൗഷാദ്. ഒരു മാസം മുമ്പാണ് ഇയാൾ സ്കൂളിലെത്തിയത്. കോടതി മുമ്പാകെ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.