കണ്ണൂർ: ജില്ലയിൽ റോഡ് നികുതിയടക്കാതെ സർവിസ് നടത്തിയ അഞ്ചു സ്വകാര്യ ബസുകൾ എൻഫോഴ്സ്‌മെന്റ് ആർ.ടി.ഒ പിടിച്ചെടുത്തു. ബസുകൾക്കെതിരെ മോട്ടോർ വാഹന ടാക്സേഷൻ നിയമ പ്രകാരം കേസ് രജിസ്റ്റർ ചെയ്തു. കണ്ണൂർ- ഇ.എസ്.ഐ, കണ്ണൂർ -മാട്ടൂൽ, കണ്ണൂർ -പയ്യന്നൂർ, കണ്ണൂർ-മോഴാര റൂട്ടിൽ സർവിസ് ബസുകൾക്കാണ് കേസ് രജിസ്റ്റർ ചെയ്തത്. കണ്ണൂർ സ്‌ക്വാഡ് എം.വി.ഐ സി.എ. പ്രദീപ്‌ കുമാറും, അസിസ്റ്റന്റ് മോട്ടോർ വെഹിക്കിൾസ് ഇൻസ്‌പെക്ടർമാരായ വി.പി. സജീഷ്, നിതിൻ നാരായണൻ, കെ.കെ. സുജിത്, ഡ്രൈവർ സുധീർ എന്നിവരാണ് പരിശോധന നടത്തിയത്. കണ്ണൂരിൽനിന്നും മാട്ടൂൽ വരെ ഇൻഷുറൻസ് ഇല്ലാതെ സർവിസ് നടത്തിയ സൈനബ് ബസിന്റെ സർവിസ് നിർത്തിവെപ്പിച്ചു.
വരും ദിവസങ്ങളിലും കർശനമായ വാഹന പരിശോധന ഉണ്ടാവുമെന്നും നിയമ ലംഘനം നടത്തുന്ന വാഹനങ്ങൾക്കെതിരെ നടപടിയെടുക്കുമെന്നും എൻഫോസ്‌മെന്റ് ആർ.ടി.ഒ സി.യു. മുജീബ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.