മിന്നലിൽ മാഹി മേഖലയിൽ കനത്ത നാശം

മാ​ഹി: ക​ന​ത്ത കാ​റ്റി​ലും മ​ഴ​യി​ലും മാ​ഹി​യി​ലും പ​രി​സ​ര​പ്ര​ദേ​ശ​ങ്ങ​ളി​ലും വ്യാ​പ​ക​നാ​ശം. പ​ന്ത​ക്ക​ൽ മൂ​ല​ക്ക​ട​വി​ലെ ഹി​ന്ദു​സ്ഥാ​ൻ പെ​ട്രോ​ളി​യ​ത്തി​ന്‍റെ അ​ധീ​ന​ത​യി​ലു​ള്ള നോ​ബി​ൾ പെ​ട്രോ​ൾ പ​മ്പി​ലെ മേ​ൽ​ക്കൂ​ര​യു​ടെ ഒ​രു​ഭാ​ഗ​ത്തെ ഭാ​ര​മു​ള്ള ഷീ​റ്റു​ക​ൾ പ​മ്പ് അ​ങ്ക​ണ​ത്തി​ൽ അ​ട​ർ​ന്നു​വീ​ണ​ത് ആ​ശ​ങ്ക​യു​ണ​ർ​ത്തി. ബു​ധ​നാ​ഴ്ച രാ​ത്രി 10ഓ​ടെ​യാ​ണ്​ സം​ഭ​വം. ആ​ള​പാ​യ​മി​ല്ല. മ​ഴ കാ​ര​ണം പെ​ട്രോ​ൾ പ​മ്പി​ൽ ഇ​ന്ധ​നം നി​റ​ക്കാ​ൻ വാ​ഹ​ന​ങ്ങ​ൾ കു​റ​വാ​യ​തി​നാ​ലാ​ണ് ദു​ര​ന്തം ഒ​ഴി​വാ​യ​ത്.

ഈ​സ്റ്റ് പ​ള്ളൂ​രി​ൽ നാ​ലി​ട​ത്ത് ഫീ​ഡ​ർ ത​ക​രാ​റി​ലാ​യി. മി​ന്ന​ലി​ൽ ചാ​ല​ക്ക​ര, പ​ള്ളൂ​ർ, പ​ന്ത​ക്ക​ൽ, മാ​ഹി എ​ന്നി​വി​ട​ങ്ങ​ളി​ൽ ഇ​ൻ​സു​ലേ​റ്റ​ർ പൊ​ട്ടി. ഈ​സ്റ്റ് പ​ള്ളൂ​രി​ൽ നാ​ലി​ട​ങ്ങ​ളി​ൽ വൈ​ദ്യു​തി ലൈ​നു​ക​ൾ പൊ​ട്ടി​യ​ത് പു​നഃ​സ്ഥാ​പി​ച്ചു. വൈ​ദ്യു​തി വ​കു​പ്പ് ജീ​വ​ന​ക്കാ​ർ വ്യാ​ഴാ​ഴ്ച പു​ല​ർ​ച്ച​വ​രെ സേ​വ​ന​നി​ര​ത​രാ​യി​രു​ന്നു. മി​ക്ക​യി​ട​ങ്ങ​ളി​ലും പ്ര​ശ്ന പ​രി​ഹാ​ര​മാ​യെ​ങ്കി​ലും പാ​റാ​ൽ ഭാ​ഗ​ത്ത് രാ​ത്രി വൈ​കി​യും ജീ​വ​ന​ക്കാ​ർ ജോ​ലി​യി​ലാ​ണ്.

പ​ന്ത​ക്ക​ൽ കു​ന്നു​മ്മ​ൽ​പാ​ല​ത്തി​ന​ടു​ത്തെ മീ​ത്ത​ലെ പീ​ടി​ക മു​കു​ന്ദ​ന്‍റെ വീ​ടി​നാ​ണ് മി​ന്ന​ലി​ൽ നാ​ശ​മു​ണ്ടാ​യ​ത്. വീ​ടി​ന്‍റെ ജ​ന​വാ​തി​ലു​ക​ളു​ടെ ചി​ല്ല് പൊ​ട്ടി​ത്തെ​റി​ച്ചു. ചു​മ​രു​ക​ൾ​ക്കും വി​ള്ള​ലു​ണ്ടാ​യി. വീ​ടി​ന​ക​ത്തെ കി​ട​പ്പു​മു​റി​യി​ലെ സ്വി​ച്ച്‌ ബോ​ർ​ഡു​ക​ൾ ക​ത്തി​പ്പോ​യി. ക​ന​ത്ത മി​ന്ന​ൽ ഉ​ണ്ടാ​യ സാ​ഹ​ച​ര്യ​ത്തി​ൽ ഇ​ൻ​വ​ർ​ട്ട​ർ, ഇ.​എ​ൽ.​സി.​ബി എ​ന്നി​വ​യ​ട​ക്ക​മു​ള്ള ഉ​പ​ക​ര​ണ​ങ്ങ​ൾ​ക്ക് കേ​ടു സം​ഭ​വി​ച്ചി​ട്ടു​ണ്ടോ​യെ​ന്ന് പ​രി​ശോ​ധി​ക്ക​ണ​മെ​ന്ന്​ വൈ​ദ്യു​തി വ​കു​പ്പ് ആ​വ​ശ്യ​പ്പെ​ട്ടു.