കൂത്തുപറമ്പ്: ചെറുവാഞ്ചേരിക്കടുത്ത ചീരാറ്റയിൽ യുവാവ് കുത്തേറ്റ് മരിച്ച സംഭവത്തിൽ പ്രതിയെ പൊലീസ് അറസ്റ്റ് ചെയ്തു. ചീരാറ്റയിലെ യു.കെ. ശ്രീജേഷിനെയാണ് (40) കണ്ണവം സി.ഐ കെ.കെ. സുധീറി‍െൻറ നേതൃത്വത്തിൽ അറസ്റ്റ് ചെയ്തത്.
ചൊവ്വാഴ്ച വൈകീട്ട് അഞ്ചോടെയാണ് ചീരാറ്റ പാട്യം നഗറിലെ കളത്തുങ്കണ്ടി സജീവനെ (47) കുത്തിക്കൊലപ്പെടുത്തിയത്. നെഞ്ചിന് പിറകിലായി മുതുകിൽ കുത്തേറ്റ് ഗുരുതരാവസ്ഥയിലായ സജീവനെ നാട്ടുകാർ ഉടൻ കൂത്തുപറമ്പ് താലൂക്ക് ആശുപത്രിയിലെത്തിച്ചെങ്കിലും മരിച്ചു.
മദ്യലഹരിയിൽ ശ്രീജേഷും മറ്റൊരാളുമായുണ്ടായ വാക്കേറ്റം തടയാനെത്തിയതായിരുന്നു സജീവൻ. ഇതിനിടെ ശ്രീജേഷ് വീട്ടിൽപോയി ആയുധവുമായെത്തി സജീവനെ കുത്തുകയായിരുന്നു. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. കണ്ണവം പൊലീസ് ഇൻക്വസ്റ്റ് നടത്തിയ മൃതദേഹം പോസ്റ്റ് മോർട്ടത്തിനുശേഷം സംസ്കരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.