കണ്ണൂർ: ഏറെക്കാലമായി പൂട്ടിയിട്ട കണ്ണൂർ റെയിൽവേ സ്റ്റേഷൻ പ്രീപെയ്ഡ് ഓട്ടോ കൗണ്ടർ ആഗസ്റ്റ് രണ്ടിന് ആരംഭിക്കും. ട്രോമാ കെയറിനാണ് നടത്തിപ്പ് ചുമതല. നിർമാണ പ്രവൃത്തി പൂർത്തിയായി. ജില്ല വികസന സമിതി യോഗത്തിലാണ് ഇതുസംബന്ധിച്ച വിവരം അധികൃതർ അറിയിച്ചത്. പ്രീപെയ്ഡ് ഓട്ടോ കൗണ്ടർ ആരംഭിക്കാൻ രണ്ട് മാസം മുമ്പാണ് റെയിൽവേ അനുമതി ലഭിച്ചത്.
ധാരണപത്രം റെയിൽവേ അംഗീകരിച്ച മുറക്കാണ് പ്രവർത്തനം ആരംഭിക്കുന്നത്. പ്രീപെയ്ഡ് ഓട്ടോ കൗണ്ടർ ഫെബ്രുവരി ആദ്യവാരം തുറക്കാൻ ഈ വർഷം ആദ്യം കലക്ടർ നിർദേശിച്ചിരുന്നു. എന്നാൽ ഇത് നീണ്ടുപോവുകയായിരുന്നു. കൗണ്ടർ പ്രവർത്തിക്കാത്തതിനാൽ യാത്രക്കാരും ഓട്ടോ ഡ്രൈവർമാരും തമ്മിൽ യാത്രക്കൂലി സംബന്ധിച്ച തർക്കം പതിവായിരുന്നു. തോന്നിയതുപോലെ കൂലി വാങ്ങുന്നതായും പരാതിയുണ്ട്. രാത്രിയിലടക്കം സ്റ്റേഷനിൽ എത്തുന്നവർക്ക് കൗണ്ടർ ആശ്വാസമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.